த்ரிஷ்யத்தின் முதல் பாகம் 2013-ல் வெளியானது. ஜீத்து ஜோசப் இயக்கத்தில் மோகன்லால், மீனா நடித்த இப்படம் தமிழ், தெலுங்கு, கன்னடம், இந்தி ஆகிய மொழிகளில் ரீமேக் செய்யப்பட்டது.
இதன் சீன ரீமேக்கான Wù Shā (ஆங்கில டைட்டில் Sheep Without a Shepherd) 2019 டிசம்பரில் வெளியானது. Sam Quah இந்த ரீமேக்கை இயக்கியிருந்தார். 2019 டிசம்பர் 13 சீனாவில் வெளியான இந்தப் படம் 168 மில்லியன் டாலர்களை வசூலித்தது. மிகப்பெரிய வெற்றி. அந்த நேரம் வெளியான டோனி யென் நடித்த IP Man 4 படத்தின் வசூலை இப்படம் முறியடித்தது.
த்ரிஷ்யம் 2 படம் இந்த வருடம் பிப்ரவரியில் நேரடியாக ஓடிடியில் வெளியானது. இதன் தெலுங்கு, இந்தி, கன்னட ரீமேக்குகள் தயாராகின்றன. இந்நிலையில் சீன ரீமேக் உரிமையும் விற்கப்பட்டுள்ளது.