கொல்கத்தா அணிக்கு விளையாடிய வருண் சக்கரவர்த்தி. ஐபிஎல் 13ஆவது சீசனில் சிறப்பாகப் பந்துவீசி இதுவரை 12 விக்கெட்களை கைப்பற்றியுள்ளார் வருண் சக்ரவர்த்தி. குறிப்பாக, 42ஆவது லீக் போட்டியில் ஐந்து விக்கெட் வீழ்த்தி அசத்தினார்.
கொல்கத்தா அணி தங்கள் பயிற்சி புகைப்படங்கள் சிலவற்றை சமீபத்தில் ட்விட்டரில் பதிவிட்டனர். இதில் வருண் கையில் நடிகர் விஜயின் படத்தை பச்சை குத்தியிருந்தார். இதனை கவனித்த விஜய் ரசிகர்கள் இந்த புகைப்படத்தை ட்ரெண்ட் செய்தனர்.
நடிகர் விஜய்யை நேரில் சந்திக்க விரும்புவதாக பல பேட்டிகளில் வருண் கூறியிருந்தார். தற்போது வருணின் கனவு நிஜமாகியுள்ளது. தளபதியை சந்தித்து வருண் பகிர்ந்த புகைப்படம் இணையத்தில் வைரலாகி வருகிறது.