தனித்து விடப்பட்ட இடதுசாரிகள்.. இடங்களை ஒதுக்க கூட்டணி கட்சிகள் மறுப்பு..

Must read

2004 ஆண்டு மக்களவை தேர்தலில் இடதுசாரிகள் 59 இடங்களில் வெற்றி பெற்று இருந்தார்கள்.

கேரளா, மே,வங்கம், திரிபுரா ஆகிய மாநிலங்கள் இடதுசாரிகளின் கோட்டைகளாக விளங்கின. இது தவிர பீகார், ஆந்திரா போன்ற மாநிலங்களிலும் சில ஏரியாக்களில் வாக்கு வங்கியை வைத்திருந்தனர்.

இப்போது- காலி பெருங்காய டப்பா என்பது போல் ஆகி விட்டது –அவர்கள் நிலை.

வடக்கே பல மாநிலங்களில் ஒரு சீட்டுக்காக போராடி தோழர்கள் களைத்துப்போய்- தனித்து நிற்கும் பரிதாப சூழல்.

மே.வங்கத்தில் சில தொகுதிகளில் மட்டுமாவது உடன்பாடு வைத்துக்கொள்ளலாம் என்று மார்க்சிஸ்ட் கம்யூனிஸ்ட் கட்சி கடைசி வரை- காங்கிரசிடம்  பேசி பார்த்தது. ‘முடியாது’’ என்று நிராகரித்து விடடது-காங்கிரஸ்.

பீகாரில் இந்திய கம்யூனிஸ்ட் கட்சிக்கு ஒரு தொகுதியை தருவதாக ஆர்.ஜே.டி.வாக்கு கொடுத்திருந்தது.பெகுசாரை தொகுதியை  பேசி முடித்திருந்தார்கள்.அதில் முன்னாள் மாணவர் தலைவர் கன்னையாவை நிறுத்த திட்டமிட்டிருந்தது.

ஆனால் –கடைசி நேரத்தில் காலை வாரி விட்டு விட்டது- ஆர்..ஜே.டி.இதனால் பீகாரில்  தனித்து நிற்கிறது –சி.பி.ஐ. பெகுசாரையில் கன்னையாவை நிறுத்தியுள்ளது.

மகாராஷ்டிரா மாநிலத்தில் திண்டோரி மக்களவை தொகுதியை சி.பி.எம்.கட்சிக்கு தருவதாக சொல்லி இருந்தது- தேசிய வாத காங்கிரஸ்.இப்போது அந்த தொகுதியில் தனது வேட்பாளரை நிறுத்தி விட்டார்-சரத்பவார்.

வடக்கு கை விட்டுப்போன நிலையில் –தெற்கே -ஆந்திரா, கேரளா மற்றும் தமிழ்நாடு ஆகிய 3 மாநிலங்களில் மட்டுமே இடதுசாரிகள் . உடன்பாடு கண்டுள்ளனர்.

ஆந்திராவில் நடிகர் பவன்கல்யானுடன் கூட்டணி.தமிழ்நாட்டில் தி.மு.க.வுடன்.கேரளாவில் வழக்கமான கட்சிகளுடன் உறவு.

—பாப்பாங்குளம் பாரதி

Support patrikai.com

பத்திரிக்கை டாட் காம் இணையதள செய்திகளை அதிகளவு விரும்பி படிப்பதற்கு நன்றி. சிறந்த முறையில் செய்திகளை தொடர்ந்து வழங்க பத்திரிக்கை டாட் காம் குழுவிற்கு உங்கள் நிதிப் பங்களிப்பை வழங்கி ஆதரவளிக்குமாறு கேட்டுக்கொள்கிறோம். தொடர்ந்து பல்வேறு கோணங்களில் செய்திகளை வழங்கவும், பதிவு செய்யப்படாத அரிய செய்திகளை ஆவணப்படுத்தவும் உங்கள் நன்கொடை உதவிகரமாக இருக்கும் என்பதில் எந்த ஒரு ஐயப்பாடும் இல்லை.

More articles

Latest article