சென்னை: சென்னை உடற்கல்வி பல்கலைக்கழகத்தில் புதிதாக அமைக்கப்பட்டுள்ள பல்நோக்கி ஜிம்னாசியத்தை முதல்வர் மு.க.ஸ்டாலின் இன்று திறந்து வைத்தார். மேலும், ஆசிரியர்களுக்கான குடியிருப்புகளையும் திறந்து வைத்தார்.
சென்னை உடற்கல்வியியல் பல்கலை.யில் பல்நோக்கு ஜிம்னாசியத்தை முதல்வர் மு.க.ஸ்டாலின் திறந்து வைத்தார். வண்டலூர் மேலகோட்டையூர் அருகே ரூ.15.60 கோடியில் பல்நோக்கு ஜிம்னாசியம் உள்ளிட்டவை கட்டப்பட்டுள்ளது. பல்கலை.யில் கட்டப்பட்டுள்ள செயற்கையிழை ஓடுதளம், ஆசிரியர் குடியிருப்புகளையும் காணொலியில் முதல்வர் திறந்து வைத்தார்.
தமிழ்நாடு முதலமைச்சர் மு.க.ஸ்டாலின் இன்று தலைமைச் செயலகத்தில், இளைஞர் நலன் மற்றும் விளையாட்டு மேம்பாட்டுத் துறையின் கீழ் செயல்படும் தமிழ்நாடு உடற்கல்வியியல் மற்றும் விளையாட்டுப் பல்கலைக்கழக வளாகத்தில் 15 கோடியே 60 இலட்சம் ரூபாய் செலவில் கட்டப்பட்டுள்ள பல்நோக்கு ஜிம்னாஷியம், செயற்கையிழை ஒடுதளம் மற்றும் ஆசிரியர்களுக்கான குடியிருப்புகள் ஆகியவற்றை திறந்து வைத்தார்.
விளையாட்டு மற்றும் இளைஞர் மேம்பாட்டில் இந்தியாவிலேயே சிறந்த மாநிலமாக தமிழ்நாட்டை உருவாக்கிடவும், அகில இந்திய அளவிலும் பன்னாட்டு அளவிலும் நடைபெறும் பல்வேறு விளையாட்டுப் போட்டிகளில் தமிழ்நாட்டைச் சேர்ந்த விளையாட்டு வீரர்கள் மற்றும் வீராங்கனைகள் பங்கு கொண்டு வெற்றி பெறும் வகையில் அவர்களுக்கு உரிய பயிற்சி அளித்தல்,விளையாட்டிற்கான உட்கட்டமைப்பு வசதிகளை ஏற்படுத்துதல் என பல்வேறு முனைப்பான நடவடிக்கைகளை தமிழ்நாடு அரசு எடுத்து வருகிறது.
அந்த வகையில், செங்கல்பட்டு மாவட்டம். வண்டலூரை அடுத்த மேலக்கோட்டையூரில் அமைந்துள்ள தமிழ்நாடு உடற்கல்வியியல் மற்றும் விளையாட்டுப் பல்கலைக்கழக வளாகத்தில் 7 கோடி ரூபாய் செலவில் அமைக்கப்பட்டுள்ள 400 மீட்டர் செயற்கையிழை ஒடுதளம், 5 கோடியே 10 செலவில் கட்டப்பட்டுள்ள ஆசிரியர்களுக்கான குடியிருப்புகள் ஆகியவற்றை திறந்து வைத்தார்.
