டில்லி
உச்சநீதிமன்ற கொலிஜியம் பரிந்துரைத்த 9 நீதிபதிகள் நியமனத்துக்கு மத்திய அரசு ஒப்புதல் அளித்துள்ளது.
உச்சநீதிமன்றத்தில் காலியாக உள்ள நீதிபதிகள் பணியிடத்துக்கு உச்சநீதிமன்ற கொலிஜியம் 9 பேரைப் பரிந்துரை செய்துள்ளது. இதில் 8 பேர் உயர்நீதிமன்ற நீதிபதிகள் ஆவார்கள். ஒருவர் மூத்த வழக்கறிஞர் ஆவார். இந்த 9 பேரில் மூவர் பெண்கள் என்பது குறிப்பிடத்தக்கது.
அவர்கள்
- கர்நாடகா உயர்நீதிமன்ற தலைமை நீதிபதி ஏ எஸ் ஓகா
- குஜராத் உயர்நீதிமன்ற தலைமை நீதிபதி விக்ரம் நாத்
- சிக்கிம் உயர்நீதிமன்ற தலைமை நீதிபதி ஜே கே மகேஸ்வரி
- தெலுங்கானா உயர்நீதிமன்ற தலைமை நீதிபதி ஹிமா கோலி
- கர்நாடகா உயர்நீதிமன்ற நீதிபதி பி வி நாகரத்னா
- கேரளா உயர்நீதிமன்ற நீதிபதி சி டி ரவி குமார்
- சென்னை உயர்நீதிமன்ற நீதிபதி எம் எம் சந்தேஷ்
- குஜராத் உயர்நீதிமன்ற நீதிபதி பாலா எம் திரிவேதி
- மூத்த வழக்கறிஞர் பி எஸ் நரசிம்ஹா
ஆகியோர் ஆவார்கள்
மத்திய அரசு இந்த 9 நீதிபதிகளையும் பதவியில் நியமிக்க ஒப்புதல் அளித்துள்ளது. இந்த ஒப்புதலின் அடிப்படையில் குடியரசுத் தலைவர் இந்த 9 பேரையும் உச்சநீதிமன்ற நீதிபதிகளாக நியமிக்க உள்ளார்.