கதை – திரைக்கதையுடன் பாடல்களும், சண்டை காட்சிகளும் ஜனரஞ்சக சினிமாவுக்கு மிக அவசியம்.
இதனால் பெரிய நட்சத்திரங்களின் ஆக்ஷன் காட்சிகள் பல நாட்கள் நடத்தப்படும்.
இந்த நிலையில், அதர்வா ஒரே ஷாட்டில் ஆக்ஷன் காட்சியில் நடித்த காட்சி கோடம்பாக்கத்தில் வியப்பை ஏற்படுத்தியுள்ளது.
ஸ்ருதி நல்லப்பா தயாரிப்பில், சாம் ஆண்டன், அதர்வா ஹீரோவாக நடிக்கும் திரில்லர் படத்தை இயக்கி வருகிறார்.
இந்த படத்துக்காக ஐதராபாத்தில் சண்டை காட்சி படமாக்கப்பட்டது.
ஒரே ஷாட்டில் இந்த காட்சியை எடுக்க டைரக்டர் சாம் விரும்பினார்.
ஸ்டண்ட் மாஸ்டர் திலீப் சுப்பராயனிடம் இதனை தெரிவித்த போது அவரும் ஓ.கே.சொன்னார்.
சுப்பராயனும், அத்ரவாவும் இந்த சண்டை காட்சி கச்சிதமாக அமைய வேண்டும் என்பதால் இரண்டு நாட்கள் ஒத்திகை பார்த்தனர்.
கட்டுமான பணிகள் முடிவடையும் நிலையில் உள்ள உயரமான கட்டிடத்தில் அதிகாலையில் இந்த சண்டை காட்சி படமாக்கப்பட்டது.
காமிரா, ட்ராலி, என முன் கூட்டியே அனைத்து ஏற்பாடுகளையும் பக்காவாக செய்து வைத்திருந்ததால், ஒரே ஷாட்டில் இந்த ஆக்ஷன் காட்சி பிரச்சினை ஏதும் இல்லாமல் படமானது.
படத்தில் இந்த சண்டை காட்சி மூன்று நிமிடங்கள் வருகிறது.
– பா. பாரதி