சென்னை :
சென்னை மாநகராட்சியின் இணையதளத்தில் இ-பாஸ் விண்ணப்பித்த 30,000 க்கும் மேற்பட்ட நபர்களின் தனிப்பட்ட தகவல்கள் அடங்கிய தரவுகள் உரிய முறையில் பாதுகாக்கப்படவில்லை என்று மென்பொருள் ஆராய்ச்சியாளர் ராபர்ட் பாப்டிஸ்ட் தனது ட்விட்டரில் நேற்று தெரிவித்திருந்தார்.
Hi @chennaicorp,
A security issue has been found in your #Covid19 emergency pass portal. The personal data, #Aadhaar numbers included, of more than 30k people are available publicly. Please contact me asap to fix the issue.
Regards,
— Baptiste Robert (@fs0c131y) May 4, 2020
அதிகாரிகளால் வழங்கப்பட்ட அவசரகால பாஸ்கள் மற்றும் விண்ணப்ப படிவங்களின் தரவுகள் சுலபமாக திருடப்பட்ட வாய்ப்புள்ளதாக மே 4 மாலை 6:31 மணிக்கு பாப்டிஸ்ட் ட்வீட் செய்ததை தொடர்ந்து, இரவு 8:18 மணியளவில், சென்னை மாநகராட்சி இந்த பாதிப்புகளை சரிசெய்துள்ளது.
மேலும், இந்த தகவலைப் பாதுகாப்பாக வைத்திருக்க சென்னை மாநகராட்சி மேற்கொண்டுள்ள நடவடிக்கைகள் என்ன ? என்பது குறித்தோ, தரவுகள் கசிவு குறித்து வெளியான தகவல் பற்றியோ இதுவரை எந்த ஒரு அறிக்கையையும் மாநகராட்சி வெளியிடவில்லை என்பது குறிப்பிடத்தக்கது.
Hi @SetuAarogya,
A security issue has been found in your app. The privacy of 90 million Indians is at stake. Can you contact me in private?
Regards,
PS: @RahulGandhi was right
— Baptiste Robert (@fs0c131y) May 5, 2020
இந்நிலையில், காங்கிரஸ் தலைவர் ராகுல் காந்தி கூறியது போல், ஆரோக்கிய சேது செயலியில் உள்ள தரவுகளும் கசியக்கூடிய வாய்ப்பு இருப்பதை தான் உறுதிசெய்திருப்பதாக இன்று தனது ட்வீட்-ல் மென்பொருள் ஆராய்ச்சியாளர் ராபர்ட் பாப்டிஸ்ட் கூறியிருப்பது பரபரப்பை ஏற்படுத்தியுள்ளது.