மும்பை :
பாலிவுட் சூப்பர்ஸ்டார் அமீர் கானின் உதவியாளர் அமோஸ் மாரடைப்பால் மரணமடைந்தார்.
இவரது மரணச்செய்தியை கேட்டு அமீர் கான் மற்றும் அவரது மனைவி கிரண் ராவ் இருவரும் அதிர்ச்சிக்குள்ளானதாக அமீர் கானின் நண்பர் கரீம் ஹாஜி தெரிவித்தார்.
60 வயதான அமோஸ், நடிகர் அமீர் கானிடம் கடந்த 25 ஆண்டுகளாக உதவியாளராக உள்ளார். உச்ச நடிகரின் உதவியாளர் என்ற எந்தவித பந்தாவும் இல்லாத மிகவும் எளிமையான மனிதர்.
திடீர் மாரடைப்பு காரணமாக அவர் இறந்த செய்தியை கேட்டு அதிர்ச்சியும் வேதனையும் அடைந்த அமீர் கானும் அவரது மனைவியும் அவரது இல்லத்திற்கு சென்றனர், வெளியே செல்ல கிளம்பிய அமோஸ் காலணிகளுடன் மயங்கி விழுந்து இறந்துபோனதை கண்டு வேதனை அடைந்தனர்.
அமோஸ் தனது மனைவி மற்றும் இரண்டு பிள்ளைகளுடன் வாழ்ந்துவந்தார், சமீபத்தில் தான் அவருக்கு பேரக்குழந்தை பிறந்தது என்பது குறிப்பிடத்தக்கது.