கொரோனா அச்சுறுத்தலால் வெள்ளித்திரை மற்றும் சின்னத்திரை படப்பிடிப்புகள் எதுவும் இல்லாமல் பிரபலங்கள் வீட்டிலேயே இருக்கிறார்கள்.
இந்நிலையில் ஸ்ருதி ஹாசன் மும்பையில் உள்ள தனது வீட்டில் தான் என்ன செய்து கொண்டிருக்கிறார் என்பதை அவ்வப்போது வெளிப்படுத்தி வந்தார்.
தற்போது தனியாக யூடியூப் சேனல் ஒன்றைத் தொடங்கியுள்ளார்.
யூடியூப் சேனல் தொடர்பாக ஸ்ருதி ஹாசன் கூறுகையில், “சமூக ஊடகத்தில் ரசிகர்களுடன் உரையாடியது எனக்கு மிகுந்த மகிழ்ச்சியைத் தந்தது. தொடர்ந்து இயங்க ஒரு யூடியூப் சேனல்தான் சரியாக இருக்கும் என்று நினைக்கிறேன்.
எனது அசல் படைப்புகள் , எனது இசை நிகழ்ச்சிகளின் காணொலிகள், இசை நிகழ்ச்சிகளுக்குப் பின்னால் நடந்த ஏற்பாடுகள் குறித்த காணொலிகள் என அனைத்தும் என் யூடியூப் சேனலில் இருக்கும்” என்று ஸ்ருதி ஹாசன் தெரிவித்துள்ளார்.