சென்னை:
பாஜக தேசிய செயலாளர் எச்.ராஜாவின் பெரியார் சிலை உடைப்பு பதிவும் அதைத்தொடர்ந்து பெரியார் சிலை உடைக்கப்பட்டதும் தமிழகத்தில் பிரச்சினைகளை உருவாக்கி உள்ள நிலையில், சென்னையில் அம்பேத்கர் சிலை மீது மர்ம நபர்கள் பெயிண்ட்டை வீசியுள்ளனர். இது மேலும் பரபரப்பையும், பதற்றத்தயும் உருவாக்கி உள்ளது.
சென்னை திருவொற்றியூரில் உள்ள அம்பேத்கரின் சிலை மீது பெயிண்ட் வீசப்பட்டுள்ளது.
சமீபத்தில் உத்தரபிரதேச மாநிலம் மீரட்டில் அம்பேத்கர் சிலை மர்ம நபர்களால் உடைக்கப்பட்டது. அதுபோல கேரளா மாநிலம் கண்ணூரில் அடையாளம் தெரியாத மர்ம நபர்களால் மகாத்மா காந்தி சிலை உடைக்கப்பட்டு உள்ளது. அதுபோல தமிழகத்தில் பெரியாரின் சிலை உடைக்கப்பட்டது.
இந்நிலையில் அம்பேர்கர் சிலைமீது மர்ம நபர்கள் யாரோ பெயிண்ட் வீசி அசிங்கப்படுத்தி சென்றுள்ளனர். இது பெரும் பரபரப்பை ஏற்படுத்தி உள்ளது.
இதையறிந்த அந்த பகுதி பொதுமக்கள் மற்றும், விடுதலை சிறுத்தைகள் கட்சியின் போராட்டத்தில் ஈடுபட்டு வருகின்றனர். இதன் காரணமாக அந்த பகுதியில் பதற்றம் நிலவி வருகிறது.