டெல்லி: 5 நாடுகளுக்கு பயணம் மேற்கொண்டுள்ள பிரதமர் மோடி, நேற்று மாலை ஐக்கிய அமிரகம் சென்றடைந்தார். அவருக்கு அந்நாட்டு அதிபர் பிரமாண்டமான வரவேற்பு அளித்தார்.
பிரதமர் நரேந்திர மோடி தலைநகர் டெல்லியில் இருந்து 5 வெளிநாடுகளுக்கான சுற்றுப்பயணத்தை ஏப்ரல் 15ந்தேததி தொடங்கினார். அன்று மாலை பிரதமர் மோடியின் விமானம், ஐக்கிய அரபு அமீரகத்தின் வான்வெளிக்குள் நுழைந்தபோது, பிரதமர் மோடியின் விமானத்திற்கு ஐக்கிய அரபு அமீரகத்தின் F16 விமானங்கள் பாதுகாப்பு அளித்தன.
பிரதமரி மோடியின் இந்த சுற்றுப்பயணத்தில் முதல் பயணம் ஐக்கிய அரபு அமீரகம் செல்கிறார். தொடர்ந்து, நெதர்லாந்து, ஸ்வீடன், நார்வே, இத்தாலி ஆகிய நாடுகளுக்கு பிரதமர் மோடி சென்று அந்தநாடுகளின் தலைவர்களை சந்தித்து பேசுகிறார்.
குறிப்பாக நம் நாட்டில் பெட்ரோல், டீசல் கேஸ் விலை உயர்வுக்கு நடுவே முதல் நாடாக ஐக்கிய அரபு அமீரகத்தின் அதிபர் ஷேக் முகமது பின் சயீத் அல் நஹ்யான் உடன் சந்தித்து பேசியது அதிக கவனம் பெற்றுள்ளது.
அபுதாபிக்கு சென்றடைந்த பிரதமர் மோடியை. ஐக்கிய அரபு அமீரக அதிபர், பிரமாண்டமான வரவேற்பு அளித்தார். பிரதமருக்கு அணிவகுப்பு மரியாதையும் அளிக்கப்பட்டது. முன்னதாக, ஐக்கிய அரபு அமீரக வான்வெளிக்குள் நுழைந்தபோது, பிரதமர் மோடியின் விமானத்திற்கு ஐக்கிய அரபு அமீரகத்தின் எஃப்-16 ரக போர் விமானங்கள் பாதுகாப்பு அளித்தன. இது தொடர்பான காணொளி ஒன்றும் வெளியாகியுள்ளது.
இரு நாடுகளுக்கும் இடையிலான இருதரப்பு விரிவான மூலோபாய கூட்டாண்மையை மேலும் வலுப்படுத்தும் நோக்கில், பிரதமர் மோடி ஐக்கிய அரபு அமீரகத்திற்கு அதிகாரப்பூர்வ பயணம் மேற்கொண்டுள்ளார். இந்த பயணத்தின் போது, வர்த்தகம், முதலீடு, எரிசக்தி பாதுகாப்பு மற்றும் மக்கள் உறவுகள் போன்ற முக்கிய ஒத்துழைப்புத் துறைகள் குறித்து ஐக்கிய அரபு அமீரக அதிபர் முகமது பின் சயீத் அல் நஹ்யானுடன் பிரதமர் மோடி பேச்சுவார்த்தை நடத்துவார்.
பிரதமர் மோடியின் பயணம் குறித்து வெளியுறவு அமைச்சகம் வெளியிட்ட தகவலில் பிரதமரி மோடியின் பயணம், வளைகுடா பிராந்தியத்தில் இந்தியாவின் முக்கிய பங்காளிகளில் ஒன்றான ஐக்கிய அரபு அமீரகத்திற்கும் இந்தியாவிற்கும் இடையிலான மூலோபாய மற்றும் பொருளாதார உறவுகளை மேலும் ஆழப்படுத்தும் என்று எதிர்பார்க்கப்படுகிறது. இந்த பயணம், இரு நாடுகளுக்கும் இடையிலான முக்கிய வர்த்தகம் மற்றும் முதலீட்டுத் தொடர்புகளை மேம்படுத்தும் என்று வெளியுறவு அமைச்சகம் தெரிவித்துள்ளது.
அதிகாரப்பூர்வ வட்டாரங்களின்படி, பிரதமர் மோடியின் பயணத்தின்போது, எரிசக்தி பாதுகாப்பு ஒரு முக்கிய கவனப் பகுதியாக இருக்கும் என்றும், எல்பிஜி மற்றும் மூலோபாய பெட்ரோலிய இருப்புக்கள் ஆகிய துறைகளில் இரண்டு முக்கிய புரிந்துணர்வு ஒப்பந்தங்கள் கையெழுத்தாகும் என்றும் எதிர்பார்க்கப்படுகிறது.
வெளியுறவு அமைச்சக தகவலின்படி, கடந்த 25 ஆண்டுகளாக ஐக்கிய அரபு அமீரகம் இந்தியாவின் மூன்றாவது பெரிய வர்த்தகப் பங்காளராகவும், ஒட்டுமொத்த முதலீடுகளின் ஏழாவது பெரிய ஆதாரமாகவும் இருந்து வருகிறது. ஐக்கிய அரபு அமீரகத்தில் 45 லட்சத்திற்கும் அதிகமான இந்தியர்கள் வசிப்பதால், இந்த பயணம் அவர்களுடன் உரையாடுவதற்கான ஒரு வாய்ப்பாகவும் அமையும்.
ஊடகங்களுக்கு விளக்கமளித்த வெளியுறவு அமைச்சகத்தின் செயலாளர் (மேற்கு) சிபி ஜார்ஜ், தனது பயணத்தின் இரண்டாம் கட்டமாக பிரதமர் நெதர்லாந்துக்கு வருகை தருவார் என்று முன்னதாக தெரிவித்திருந்தார். 2017-ம் ஆண்டுக்குப் பிறகு, பிரதமர் நெதர்லாந்துக்கு மேற்கொள்ளும் இரண்டாவது பயணம் இதுவாகும். இந்த பயணத்தின்போது, அவர் மன்னர் வில்லெம்-அலெக்சாண்டர் மற்றும் ராணி மாக்சிமாவை சந்திப்பதுடன், பிரதமர் ராப் ஜெட்டனுடன் பேச்சுவார்த்தையும் நடத்துவார்.
பயணத்தின் மூன்றாம் கட்டத்தில், பிரதமர் மோடி ஸ்வீடனின் கோதன்பெர்க் நகருக்கு பயணம் மேற்கொண்டு, ஸ்வீடன் நாட்டுப் பிரதமர் உல்ஃப் கிறிஸ்டர்சனுடன் பேச்சுவார்த்தை நடத்துவார். இந்த பேச்சுவார்த்தையின் போது, இரு நாடுகளுக்கும் இடையிலான உறவுகளின் அனைத்து அம்சங்களையும் மீளாய்வு செய்வதுடன், இரு நாடுகளுக்கும் இடையிலான வர்த்தகத்தை மேம்படுத்துவதற்கான புதிய ஒத்துழைப்பு வழிகளையும் ஆராய்வார்.
[youtube-feed feed=1]