தமிழ்நாடு சட்டப்பேரவையில் இடைக்கால பட்ஜெட்டை தாக்கல் செய்தார் நிதி அமைச்சர் தங்கம் தென்னரசு

சென்னை: தமிழ்நாடு இரட்டை இலக்கு பொருளாதார வளர்ச்சி அடைந்துள்ளது என்று கூறிய அமைச்சர் தங்கம் தென்னரசு, இந்தியாவுக்கே தமிழ்நாடு வழிகாட்டி வருகிறது என கூறினார்.

‘தமிழ்நாடு பட்ஜெட் கூட்டத்தொடர் இன்று தொடங்கிய நிலையில், நிதியமைச்சர் தங்கம் தென்னரசு 2026-27ம் ஆண்டுக்கான இடைக்கால பட்ஜெட்டை தாக்கல் செய்தார். அதில் இடம்பெற்றுள்ள முக்கிய அறிவிப்புகள் வருமாறு…

தமிழ்நாடு சட்டமன்ற தேர்தல் வரும் ஏப்ரல் அல்லது மே மாதம் நடைபெற்று  புதிய அரசு தேர்வு செய்யப்பட உள்ளது.  இதன் காரணமாக நடப்பாண்டு அரசு சார்பில், அனைத்து அரசுத் துறைகளுக்கு மானியக் கோரிக்கைகள் மூலம் நிதி ஒதுக்கீடு செய்யும் வகையில்   2026-2027-ம் ஆண்டுக்கான இடைக்கால பட்ஜெட்டை பேரவையில் தாக்கல் செய்யப்பட்டு உள்ளது. 2021-ம் ஆண்டு மே 7-ந் தேதி பதவி ஏற்ற  திமுக  ஆட்சியின் கடைசி கூட்டத்தொடர் இதுவாகும்.  தேர்தலுக்கு பிறகு மே மாதத்தில் அமையும் புதிய ஆட்சியில் மீண்டும் பட்ஜெட் கூட்டத்தொடர் நடத்தப்பட்டு, முழு பட்ஜெட் தாக்கல் செய்யப்படும்.

இன்று காலை பேரவை வழக்கமான நடைமுறைகளுடன்  பேரவை நிகழ்வுகங்ள தொடங்கியதை அடுத்து,  சட்டசபையில் நிதித்துறை அமைச்சர் தங்கம் தென்னரசு தாக்கல் செய்தார்.   இடைக்கால பட்ஜெட்டை அமைச்சர் தங்கம் தென்னரசு வாசித்து முடித்ததும், வேளாண்மைத்துறை அமைச்சர் எம்.ஆர்.கே.பன்னீர்செல்வம் வேளாண் பட்ஜெட்டை தாக்கல் செய்கிறார்.