சென்னை: சென்னையில் இயக்கப்பட்டு வரும் மாநகர பேருந்துகளின் வழித்தட எண்களை மாற்றி மாநகர போக்குவரத்து கழகம் அறிவித்து உள்ளது. அதன்படி, இன்றுமுதல் (மே1) 7 வழித்தடங்களில் எண்கள் மாற்றப்பட்டு உள்ளது.
சென்னை மக்களின் வசதிக்காக மாநகரம் முழுவதும் அரசு மாநகர பேருந்துகள் இயக்கப்பட்டு வருகின்றன. இந்த நிலையில், மாநகரப் போக்குவரத்துக் கழகப் பேருந்து தட எண்களை பகுதிவாரியாக சீரமைத்து, அதில் 7 வழித்தட எண்கள் மாற்றியமைக்கப்பட்டுள்ளன. இப்பேருந்துகள் அதே வழித்தடத்தில் இன்று முதல் (மே 1) இயக்கப்பட உள்ளது.
இது குறித்து சென்னை மாநகரப் போக்குவரத்துக் கழகத்தின் மேலாண் இயக்குநர் வெளியிட்டுள்ள செய்திக் குறிப்பில்,
- மாதவரம் – தாம்பரம் செல்லும் பஸ்சின் 121எப் என்ற தடம் எண் 170ஏ என மாற்றப்பட்டுள்ளது.
- கவியரசு கண்ணதாசன் நகர் – தாம்பரம் செல்லும் பஸ்சின் 121எச் என்ற தடம் எண் 170டி எனவும்,
- அய்யப்பன் தாங்கல் – பிராட்வே செல்லும் பஸ்சின் 11ஜி இடி என்ற தடம் எண் 11எம் எனவும்
- பிராட்வே – கிளாம்பாக்கம் செல்லும் பஸ்சின் 18ஏ.எக்ஸ் என்ற தடம் எண் 18ஏ எனவும்,
- திருவான்மியூர் – கிளாம்பாக்கம் செல்லும் பஸ்சின் 91கே என்ற தடம் எண் 91 எனவும்,
- பூந்தமல்லி – கூடுவாஞ்சேரி செல்லும் பஸ்சின் 66எக்ஸ் என்ற தடம் எண் 66பி.எக்ஸ் எனவும்,
- கவியரசு கண்ணதாசன் நகர் – கிளாம்பாக்கம் செல்லும் பஸ்சின் 121எச் இடி என்ற தடம் எண் 170டி.எக்ஸ் எனவும்
மாற்றம் செய்யப்பட்டுள்ளது.
இவ்வாறு அதில் கூறப்பட்டுள்ளது.
Patrikai.com official YouTube Channel
