சென்னை: முதலமைச்சரின் சகோதரர் மு.க.தமிழரசு உடல்நலம் பாதிப்பு காரணமாக மருத்துவமனையில் அனுமதிக்கப்பட்டு உள்ளார். இதுகுறித்து தகவல் அறிந்த மு.க.ஸ்டாலின் நேரில் சந்தித்து நலம் விசாரித்தார்.
முதலமைச்சர் ஸ்டாலின் அண்ணன் மு.க.தமிழரசு. இவர் உடல்நலம் பாதிப்பு காரணமாக, சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். மு.க.தமிழரசு மகன் நடிகர் அருள்நிதி.
சென்னையில் வசித்து வரும் மு.க.தமிழரசுக்கு நேற்று திடீரென உடல்நலக் குறைவு ஏற்பட்டதாகவும் இதனால் உடனடியாக அவர் அமைந்தகரையில் உள்ள எம்ஜிஎம் மருத்துவமனையில் சிகிச்சைக்காக அனுமதிப்பட்டார். இதுகுறித்து, தகவல் அறிந்த முதலமைச்சர் ஸ்டாலின், தனது சகோதரர் மு.க.தமிழரசை நேரில் சந்தித்து நலம் விசாரித்தார். மேலும், மருத்துவமனை சென்ற மு.க.ஸ்டாலின், மருத்துவர்களிடம் தனது சகோதரருக்கு அளிக்கப்பட்டு வரும் சிகிச்சை குறித்தும் கேட்டறிந்தார்.
மறைந்த முன்னாள் முதலமைச்சர் கருணாநிதியின் மகனும், முதலமைச்சர் மு.க.ஸ்டாலின் சகோதரர் மு.க.தமிழரசு திமுக கட்சி பொறுப்பில் இல்லை என்றாலும், தேர்தலின் போது உதயநிதி மற்றும் நாடாளுமன்றத் தேர்தலின் போது தயாநிதி மாறனுக்காக வாக்கு சேகரிப்பில் ஈடுபட்டார்.
மு.க.தமிழரச உடல்நலம் குறித்து தற்போது வரை மருத்துவமனை நிர்வாகம் எந்த தகவலும் வெளியிடவில்லை.
