சென்னை: அரசு பள்ளிகளில் இணைய இணைப்பு பெற்ற வகையில், எந்தவொரு கட்டண பாக்கியும் இல்லை என்று அமைச்சர் அன்பில் மகேஸ் கூறிய நிலையில், அதற்கான ஆதாரத்தை வெளியிட்டார் அண்ணாமலை. இதன்மூலம் அமைச்சரின் பொய் அம்பலமாகி உள்ளது.
தமிழ்நாட்டில் உள்ள அரசு பள்ளிகளில் இணைய சேவை வழங்கிய வகையில், அரசு நிறுவனமான பிஎஸ்என்எல் நிறுவனத்துக்கு பள்ளிக்கல்வித்துறை ரூ.ஒள்நரை கோடி கணட்டம் பாக்கி வைத்துள்ளது. இதற்கான ஆதாரத்தை பாக மாநில தலைவர் அண்ணாமலை வெளியிட்டார்.
தமிழ்நாட்டில் உள்ள பள்ளிகளில் ஸ்மார்ட் வகுப்பு உள்பட பல்வேறு இணையதள நடவடிக்கைக்காக பிஎஸ்என்எல் நிறுவனம் மூலம் இணையதளம் இணைப்பு பெறப்பட்டது. இந்த இணைப்புக்கான கட்டணத்தை இதுவரை தமிழ்நாடு அரசு செலுத்தவில்லை என்று தகவல்கள் வெளியாகி உள்ளன. இது கடுமையாக விமர்சனங்களை ஏற்படுத்தியது.
இதுகுறித்து செய்தியாளர்களிம் பேசிய பள்ளிக்கல்வித்துறை அமைச்சர் அன்பில் மகேஸ், BSNL நிறுவனத்திற்குச் செலுத்தவேண்டிய நிலுவைத் தொகை எதுவும் இல்லை தெரிவித்தார்.
இதைத்தொடர்ந்து, அமைச்சர் பொய் சொல்லியிருக்கிறார் என்று குற்றம் சாட்டியுள்ள அண்ணாமலை, அதற்கான ஆதாரத்தையும் வெளியிட்டுள்ளார்.
இதுதொடர்பாக, பா.ஜ.க மாநிலத் தலைவர் அண்ணாமலை தனது எக்ஸ் பக்கத்தில் ஆதாரத்தை வெளியிட்டு அறிக்கை வெளியிட்டுள்ளார். அதில், இது தொடர்பாக பா.ஜ.க மாநிலத் தலைவர் அண்ணாமலை தனது எக்ஸ் பக்கத்தில் ஆதாரத்தை வெளியிட்டு அறிக்கை வெளியிட்டுள்ளார். அதில் கூறியிருப்பதாவது: “கடந்த 19.12.2024 அன்று, பள்ளிக்கல்வித்துறையின் தொழிற்கல்வி இணை இயக்குநர், அனைத்து மாவட்ட முதன்மைக் கல்வி அலுவலர்களுக்கும் எழுதிய கடிதத்தில், BSNL நிறுவனத்திற்குச் செலுத்தப்படவேண்டிய நிலுவைத் தொகையான 1.5 கோடி ரூபாயை உடனடியாக செலுத்துங்கள் என்றும், இல்லையெனில் சேவை துண்டிக்கப்படும் என்று BSNL நிறுவனம் தெரிவித்துள்ளதாகவும் குறிப்பிடப்பட்டுள்ளது.
ஆனால், பள்ளிக்கல்வித்துறை அமைச்சர், இன்றைய பத்திரிகையாளர் சந்திப்பில், BSNL நிறுவனத்திற்குச் செலுத்தவேண்டிய நிலுவைத் தொகை எதுவும் இல்லை என்று மீண்டும் பொய் சொல்லியிருக்கிறார்.
அப்படியானால், பள்ளிக்கல்வித்துறையின் தொழிற்கல்வி இணை இயக்குநர் பொய் சொல்கிறார் என்கிறாரா அமைச்சர்? சாதாரண நிகழ்வுகளைக் கூட, சாதனைகள் போலக் காட்டிக் கொள்ளும் விளம்பர மாடல் ஆட்சியில், எந்தத் துறையும் தங்களுக்கான பணிகளைச் சரிவர மேற்கொள்வதில்லை.
எனவே, பள்ளிக் கல்வித் துறை அமைச்சர், வறட்டு கவுரவத்தைக் காப்பாற்றுவதற்காக மீண்டும் மீண்டும் பொய் சொல்வதை நிறுத்திவிட்டு, மாணவர்களின் கல்வியோடு விளையாடாமல் இணைய இணைப்புக்கான நிலுவைத் தொகையை உடனடியாகச் செலுத்த வலியுறுத்துகிறோம்.”
இவ்வாறு கூறியுள்ளார்.
முன்னதாக, தமிழகம் முழுவதும் உள்ள 3,700 அரசு உயர்நிலை, மேல்நிலைப் பள்ளிகளில் அதிநவீன உயர் தொழில்நுட்ப ஆய்வகங்கள் (ஹைடெக் லேப்) அமைக்கப்பட்டுள்ளன. இவற்றில் பிஎஸ்என்எல் நிறுவனம் வாயிலாக பிராட்பேண்ட் இணையதள சேவை ஏற்படுத்தப்பட்டது. இதற்கிடையே பிராட்பேண்ட் சேவைக் கட்டணத்தில் ரூ.1.5 கோடி நிலுவை வைக்கப்பட்டுள்ளதாகவும், இந்த தொகையை பள்ளி தலைமையாசிரியர்கள் உடனடியாக செலுத்திட நடவடிக்கை எடுக்க வேண்டும் என்றும் பள்ளிக்கல்வித் துறை சார்பில் மாவட்ட முதன்மைக் கல்வி அதிகாரிகளுக்கு அறிவுறுத்தல்கள் வழங்கப்பட்டிருந்தன.
இதுகுறித்து தமிழக பாஜக தலைவர் அண்ணாமலை விமர்சனம் செய்திருந்தார். அவர், தனது ‘எக்ஸ்’ சமூவலைதளப் பக்கத்தில் , தமிழகம் முழுவதும் உள்ள 385 மாவட்ட கல்வி அலுவலகங்களில், இணையதள சேவைக்கான கட்டணம் பல மாதங்களாக செலுத்தப்படாததால், இணைப்பு துண்டிக்கப்பட்டுள்ளதாக தெரியவருகிறது. இதனால் மாணவர்களின் கல்வி பெரிதும் பாதிக்கப்பட்டுள்ளதுடன், ஆசிரியர்களின் சம்பளப் பட்டியல் தயாரிப்பதில் இடையூறுகள் ஏற்பட்டு உள்ளன.
திமுக ஆட்சியில் தமிழகம் சுமார் ரூ.8.5 லட்சம் கோடி வரை கடனில் உள்ளது. வாங்கும் கடன் உண்மையான நோக்கத்துக்கு பயன்படுத்தப்படுவதில்லை என்று சிஏஜி அறிக்கையில் கூறப்பட்டிருக்கிறது.
மாவட்டக் கல்வி அலுவலகங்களுக்கான இணையளதள இணைப்புக் கட்டணம்கூட செலுத்த முடியாமல், அன்றாடச் செலவுகளுக்கே கடன் வாங்கும் நிலையில் இருக்கிறதென்றால், உண்மையில் தமிழக அரசின் நேரடி வரி வருமானத்தையும், ஜிஎஸ்டி பங்காகக் கிடைக்கும் சுமார் 70 சதவீதம் நிதி எல்லாம் எங்கே செல்கிறது. திவாலாகும் நிலையில் தமிழக அரசு இருக்கிறதா என்பதை முதல்வர் மு.க.ஸ்டாலின் மக்களுக்கு தெளிவுபடுத்த வேண்டும். இவ்வாறு அதில் கூறப்பட்டுள்ளது.
இந்த குற்றச்சாட்டு அமைச்சர் அன்பில் மகேஸ் பொய்யாமொழி பதில் அளித்து பேசும்போது, ‘‘தமிழகத்தில் எந்த மாவட்டக் கல்வி அலுவலகத்திலும் இணையதள இணைப்பு கட்டணம் நிலுவையில் இல்லை. கடந்த மார்ச் முதல் இதுவரை ரூ.2,151 கோடியை மத்திய அரசு தமிழக பள்ளிக்கல்வித் துறைக்கு வழங்காமல் உள்ளது. ஆனாலும், சுமார் 2 லட்சம் ஆசிரியர்கள் மற்றும் 43 லட்சம் மாணவர்களின் நலனுக்காக எந்த சம்பள நிலவையோ, கட்டண நிலுவையோ இல்லாமல் மாநில அரசு நிதியில் இருந்து ஆசிரியர்களின் ஊதியம் முதல் கட்டணங்கள் வரை அனைத்தையும் செலுத்தியுள்ளோம்’ என்றார்.
இதற்கு பதிலளித்து அண்ணாமலை வெளியிட்ட பதிவு: தமிழக பள்ளிக் கல்வித் துறையிடம் இருந்து, பிஎஸ்என்எல் நிறுவனத்துக்கான கட்டண பாக்கியை உடனே கட்டவில்லையெனில் இணைப்பு துண்டிக்கப்படும் என்று கடிதம் வந்திருப்பதாக செய்தி வெளிவந்துள்ளது. ஆனால், துறை அமைச்சர் புதிய கதையைச் சொல்லிக் கொண்டிருக்கிறார். கடந்த 3 ஆண்டுகளில் சமக்ர சிக்ஷா திட்டத்தின்கீழ் தமிழகத்துக்கு வழங்கப்பட்ட நிதி ரூ.5,858.32 கோடி. இந்த திட்டத்தின் அனைத்து அம்சங்களையும் நடைமுறைப்படுத்துவோம் என்று கடிதம் அளித்துவிட்டு பல திட்டங்களை இன்னும் செயல்படுத்தவில்லை. ஆண்டுக்கு ரூ.1 லட்சம் கோடி கடன் வாங்கிக் கொண்டிருக்கும் தமிழக அரசுக்கு, கல்வித் துறை இணைய இணைப்புக் கட்டணமான ரூ.1.5 கோடியை கட்டுவதற்குக் கூட முடியவில்லையா’ என்று கூறியுள்ளார்.