கிறிஸ்துமஸ் அன்று புறநகர் ரயில் சேவைகளில் மாற்றம்

சென்னை

வரும் புதன்கிழமை கிறிஸ்துமஸ் பண்டிகையை முன்னிட்டு புறநகர் ரயில் சேவைகளில் மாற்றம் செய்யப்பட்டுள்ளது,

கிறிஸ்துமஸ் பண்டிகை உலகம் முழுவதும் புதன்கிழமை அன்று (டிச.25) கொண்டாடப்பட உள்ளது. அன்றைய தினம் பொது விடுமுறை என்பதால், சென்னையில் மின்சார ரயில்கள் ஞாயிற்றுக்கிழமை கால அட்டவணைப்படி இயக்கப்படும் என தெற்கு ரயில்வே தெரிவித்துள்ளது.

சென்னை சென்ட்ரல் – அரக்கோணம், சென்னை சென்ட்ரல் – கும்மிடிப்பூண்டி, சென்னை சென்ட்ரல் – சூலூர்பேட்டை மற்றும் சென்னை கடற்கரை – செங்கல்பட்டு இடையேயான மின்சார ரயில்கள் ஞாயிற்றுக்கிழமை அட்டவணையின் படி இயக்கப்படும்.

அதேபோல் முன்பதிவு மையங்கள் காலை 8 மணி முதல் மதியம் 2 மணி வரை மட்டும் ஞாயிறு ஷிப்ட் அடிப்படையில் இயங்கும் எனவும் தெரிவித்துள்ளது.