சென்னை: உடல்நலம் பாதிப்பு காரணமாக மறைந்த ஈவிகேஎஸ் இளங்கோவன் இறுதிச்சடங்கு நாளை சென்னையில் நடைபெறும் என அறிவிக்கப்பட்டு உள்ளது.
உடல்நலக்குறைவால் கடந்த மாதம் சென்னையில் உள்ள தனியார் மருத்துவமனையில் அனுமதிக்கப்பட்டு கடந்த ஒரு மாதமாக சிகிச்சைபெற்று வந்த இவிகேஎஸ் இளங்கோவன் சிகிச்சை பலனின்றி இன்று காலை காலமானார். அவரது மறைவுக்கு அகில இந்திய கட்சி தலைவர்கள் முதல், தமிழ்நாடு அரசியல் கட்சி தலைவர்களும் இரங்கல் தெரிவித்து வருகின்றனர்.
இந்த நிலையில், மறைந்த காங்கிரஸ் மூத்த தலைவர் ஈவிகேஎஸ் இளங்கோவன் இறுதிச்சடங்கு சென்னையில் நாளை நடைபெறும் என்று குடும்பத்தினர் தெரிவித்துள்ளனர். மருத்துவமனையில் மறைந்த அவரது உடல் தனியார் மருத்துவமனையில் இருந்து இன்று அவரது இல்லத்துக்குக் கொண்ட செல்லப்பட்டு அவரது உறவினர்கள் அஞ்சலி செலுத்த ஏற்பாடு செய்யப்பட்டுள்ளது.
இதைத்தொடர்ந்து, அரசியல் கட்சியினர் அஞ்சலி செலுத்தும் வகையில், அவரது உடல் நாளை சத்தியமூர்த்தி பவனில் வைக்கப்படவிருக்கிறது. அதன்பிறகு நாளை சென்னை யிலேயே இறுதிச் சடங்குகள் நடத்தப்படும் என்று குடும்பத்தினர் கூறியுள்ளனர்.