சென்னை
ராஜ்கமல்ல் பிலிம்ஸ் இயக்குநர் சிங்கீதம் சீனிவாச ராவு ஆவணப்படத்தை வெலியிட்டுள்ளது.
நடிகர் கமல்ஹாசனின் ஆரம்பகாலத்தில் கே.பாலச்சந்தர் அவரது குருவாக இருந்தாலும் கமலின் கேரியரில் மிகப் பெரிய மாற்றம் கொடுத்த இயக்குநர் சிங்கீதம் சீனிவாசராவ். தமிழ் மட்டுமின்றி தெலுங்கிலும் பல படங்களை இயக்கியுள்ளார். இவர் இயக்கத்தில் ராஜபார்வை, பேசும் படம், அபூர்வ சகோதரர்கள், மும்பை எக்ஸ்பிரஸ் ஆகியவை கமல் நடித்த படங்களாகும்.
சிங்கீதம் சீனிவாசராவைகௌரவிக்கும் பொருட்டு கமல் தனது ராஜ்கமல் நிறுவனம் சார்பில் ‘அபூர்வ சிங்கீதம்’ என்ற பெயரில் கடந்த மார்ச் மாதம் விழா எடுத்து கௌரவித்தார். தற்போது இயக்குனர் இமயமான சிங்கீதம் ஸ்ரீனிவாச ராவை கவுரவிக்கும் வகையில் அவர் இந்திய சினிமாவிற்காக செய்த பங்களிப்பை போற்றும் வகையில் அவரை பற்றி ஆவணப்படம் ஒன்றை உருவாக்கியுள்ளார்.
இயக்குநர் சிங்கீதம் சீனிவாசராவ் பற்றிய அபூர்வ சிங்கீதம் ஆவண படத்தை ராஜ்கமல் பிலிம் இண்டர்நேஷனல் த வெளியிட்டுள்ளது. இந்த ஆவணப்படத்தின் முதல் எபிசோடு ராஜ்கமல் பிலிம்ஸ் யூடியூப் சேனலில் வெளியாகியுள்ளது.