சென்னை’
சென்னையில் புயல் காரணமாக நிறுத்தி வைக்கப்பட்டிருந்த விமான சேவை மீண்டும் தொடங்கி உள்ளது.
சென்னையில் பெஞ்சல் புயல் காரணமாக நேற்று காலை முதல் கனமழை பெய்யத் துவங்கியது. மேலும் மழையுடன் பலத்த காற்றும் வீசியதால் விமான நிலையத்தில் ஓடு தளத்திலும் தண்ணீர் தேங்கியது.
இத்தகைய மோசமான வானிலை காரணமாக 13 மணி நேரங்களாக சென்னை விமான நிலையத்தில் விமான சேவை நிறுத்தப்பட்டது.
விமான சேவை டிசம்பர் 1ம் தேதி அதிகாலை 4 மணிக்கு மீண்டும் துவங்கும் என அறிவிக்கப்பட்டிருந்த நிலையில் அதிகாலை 1 மணிக்கே விமான சேவை துவங்கி உள்ளது.