அரும்பாக்கம் மற்றும் செயின்ட் தாமஸ் மவுண்ட் மெட்ரோ ரயில் நிலைய வாகன நிறுத்துமிடங்களில் வாகனங்கள் நிறுத்த வேண்டாம் என்று மெட்ரோ ரயில் நிர்வாகம் அறிவுறுத்தியுள்ளது.
கனமழை காலங்களில் இந்த வாகன நிறுத்துமிடங்களில் தண்ணீர் தேங்கும் நிலை உள்ளதை அடுத்து இவ்வாறு அறிவித்துள்ளது.
ஃபெஞ்சல் புயல் காரணமாக கனமழை பெய்யும் என்று வானிலை ஆய்வு மையம் எச்சரிக்கை விடுத்துள்ளது.
இந்த நிலையில், இன்று (29-11-2024) மற்றும் நாளை (30-11-2024) இரண்டு நாட்களுக்கு பயணிகள் யாரும் இந்த வாகன நிறுத்தங்களில் தங்கள் வாகனங்களை நிறுத்த வேண்டாம் என்று அறிவுறுத்தியுள்ளது.
மேலும், வானிலை சீரானதும் வாகனங்கள் நிறுத்துவது தொடர்பாக பின்னர் அறிவிக்கப்படும் என்றும் தெரிவித்துள்ளது.