சென்னையில் இருந்து மாமல்லபுரம் நோக்கி அதிவேகமாக சென்ற கார் மோதியதில், 5 பெண்கள் உயிரிழந்த சம்பவம் பெரும் பரபரப்பை ஏற்படுத்தியுள்ளது.
செங்கல்பட்டு மாவட்டம் திருப்போரூர் அருகே பண்டிதமேடு பகுதியில் ஆடு, மாடு மேய்த்துக் கொண்டிருந்த பெண்கள் மீது கார் மோதி பயங்கர விபத்து ஏற்பட்டுள்ளது.
இதில், சம்பவ இடத்திலேயே 5 பெண்கள் உடல் நசுங்கி உயிரிழந்துள்ளனர்.
மதுபோதையில் காரை ஓட்டிவந்த இரண்டு இளைஞர்களை பிடித்து பொதுமக்கள் காவல் துறையினரிடம் ஒப்படைத்தனர்.
முதற்கட்ட விசாரணையில், சென்னையில் இருந்து மாமல்லபுரம் நோக்கி சென்ற கார் சாலை ஓரம் அமர்ந்திருந்தவர்கள் மீது மோதியிருப்பது தெரியவந்துள்ளது.
மேலும், உடல் நசுங்கி உயிரிழந்த 5 பேரும் பண்டிதமேடு பகுதியை சேர்ந்தவர்கள் என அடையாளம் காணப்பட்டுள்ளனர்.
காரை அதிவேகமாக ஓடிவந்து விபத்தை ஏற்படுத்திய இளைஞர்ளைப் பிடித்து சரமாரியாக அடித்து உதைத்த அப்பகுதி மக்கள் அந்த இருவரையும் காவல்துறையினரிடம் ஒப்படைத்தனர்.
மேலும், சம்பவ இடத்திற்கு மாவட்ட ஆட்சியர் வர வேண்டும் என வலியுறுத்தி உடல்களை சாலையில் வைத்து கிராம மக்கள் போராட்டம் நடத்தி வரும் நிலையில் சம்பவம் நடந்த இடத்தில் கிராம மக்களுடன் செங்கல்பட்டு மாவட்ட எஸ்பி பேச்சுவார்த்தை நடத்தி வருகிறார்.