சென்னை: டிசம்பர் 5ந்தேதி ஜெயலலிதா நினைவுநாள். அன்றைய தினம் சென்னை கடற்கரையில் அமைந்துள்ள அவரது நினைவிடத்தில் அதிமுக பொதுச்செயலாளர் எடப்பாடி பழனிச்சாமி மலர்வளையம் வைத்து அஞ்சலி செலுத்துகிறார். இதில் கலந்துகொள்ளுமாறு அதிமுக தொண்டர்களுக்கு கட்சியின் பொதுச்செயலாளரும், முன்னாள் முதலமைச்சருமான எடப்பாடி பழனிச்சாமி அழைப்பு விடுத்துள்ளார்.
கழகத்திற்காகவும், தமிழ் நாட்டு மக்களுக்காகவும் தன்னையே அர்ப்பணித்து தவ வாழ்வு வாழ்ந்திட்ட இதய தெய்வம் புரட்சித் தலைவி அம்மா அவர்களின் 8-ஆம் ஆண்டு நினைவு நாளை முன்னிட்டு, அவரது நினைவிடத்தில் மலர் அஞ்சலி செலுத்தப்படுகிறது. கட்சியின் பொதுச்செயலாளர் எடப்பாடி பழனிச்சாமி டிசம்பர் 5ந்தேதி காலை 10மணி அளவில், சென்னை மெரினா கடற்கரையில் அமைந்துள்ள புரட்சி தலைவவி அம்மா அவர்களுடைய நினைவிடத்தில் மலர் வளையம் வைத்து, மலர் தூவி மரியாதை செலுத்துகிறார். இதில் அனைவரும் கலந்துகொள்ள வேண்டும் என அழைப்பு விடுக்கப்பட்டு உள்ளது.
