சென்னை: கனமழை எச்சரிக்கை காரணமாக இன்று தமிழ்நாட்டில் சென்னை உள்பட பல மாவட்டங்களில், பள்ளி, கல்லூரிகள் விடுமுறை அறிவிக்கப்பட்டு உள்ளது. மேலும் இன்று நடைபெற இருந்த பல்வேறு கல்லூரிகள் மற்றும் பல்கலைக்கழக தேர்வுகளும் ஒத்தி வைக்கப்பட்டு உள்ளன. அதன் விவரம் வெளியாகி உள்ளது.
வங்கக்கடலில் நிலைகொண்டுள்ள காற்றழுத்தத் தாழ்வு மண்டலம், ஆழ்ந்த காற்றழுத்த தாழ்வு மண்டலமாக வலுப்பெற்றது. இந்த காற்றழுத்தத் தாழ்வு மண்டலம் இன்று (27.11.2024)ஃபெங்கல் புயலாக மாறி உள்ளது. இதன் காரணமாக, இன்று சென்னை உள்பட டெல்டா மாவடங்கள் என பல பகுதிகளில் அதிகனமழை பெய்ய வாய்ப்பு இருப்பதாக அறிவிக்கப்பட்டு உள்ளது.
திருவள்ளூர், சென்னை, காஞ்சிபுரம், செங்கல்பட்டு, விழுப்புரம், புதுச்சேரி, கடலூர், அரியலூர், தஞ்சாவூர், புதுக்கோட்டை, சிவகங்கை, ராமநாதபுரம் பகுதிகளில் மிக கனமழை பெய்யும் என்றும் மேலும், கடலோர மற்றும் டெல்டா மாவட்டங்களில் கன முதல் மிக அதிகனமழை பெய்ய வாய்ப்புள்ளது. பொதுமக்கள் பாதுகாப்பாக இருக்கவும் தமிழ்நாடு பேரிடர் மேலாண்மை ஆணையம் அறிவுறுத்தி உள்ளது.
இந்த நிலையில், கனமழை காரணமாக பல்வேறு மாவட்டங்களில் உள்ள பள்ளி, கல்லூரிகளுக்கு விடுமுறை அறிவிக்கப்பட்டு உள்ளது.
இன்று நடைபெற இருந்த சென்னை பல்கலைக்கழக தேர்வுகள் கனமழை காரணமாக ஒத்திவைக்கப்படுவதாக அறிவிக்கப்பட்டு உள்ளது.
தமிழ்நாடு முழுவதும் இன்று (நவ.27) நடைபெறவிருந்த பாலிடெக்னிக் செமஸ்டர் தேர்வுகள், கனமழை காரணமாக ஒத்திவைக்கப் படுவதாக தொழில்நுட்ப கல்வி இயக்ககம் அறிவிப்பு வெளியிட்டுள்ளது.
கனமழை எச்சரிக்கை காரணமாக சென்னை மற்றும் செங்கல்பட்டு மாவட்டங்களில் இன்று (நவ.27) பள்ளிகளுக்கு மட்டும் விடுமுறை அறிவிக்கப்பட்டுள்ளது.
காஞ்சிபுரம் மாவட்டத்தில் இன்று பள்ளிகளுக்கு மட்டும் விடுமுறை.
சிவகங்கை மாவட்டத்தில் பள்ளிகளுக்கு மட்டும் இன்று (நவ.27) விடுமுறை-மாவட்ட ஆட்சியர்.
திருவள்ளூர் மாவட்டத்தில் பள்ளி, கல்லூரிகளுக்கு விடுமுறை
தஞ்சாவூர், விழுப்புரம் மாவட்டங்களில் பள்ளி, கல்லூரிகளுக்கு விடுமுறை.
கடலூர் மாவட்ட பள்ளி மற்றும் கல்லூரிகளுக்கு இன்று ஒருநாள் (நவ.27) விடுமுறை – மாவட்ட ஆட்சியர் சிபி ஆதித்யா செந்தில் குமார்.
மயிலாடுதுறை மாவட்டத்தில் இன்று (27.11.24) பள்ளி, கல்லூரிகளுக்கு விடுமுறை – மாவட்ட ஆட்சியர் அறிவிப்பு
நாகை மாவட்டத்தில் உள்ள அனைத்து பள்ளி மற்றும் கல்லூரிகளுக்கும் நாளை விடுமுறை – மாவட்ட ஆட்சியர் அறிவிப்பு
திருவாரூர் மாவட்டத்தில் இன்று பள்ளி, கல்லூரிகளுக்கு விடுமுறை அறிவிப்பு
திருச்சி மாவட்டத்தில் பள்ளி மற்றும் கல்லூரிகளுக்கு இன்று (நவ.27) விடுமுறை – மாவட்ட ஆட்சியர்.
ராமநாதபுரம் மாவட்டத்தில் பள்ளி மற்றும் கல்லூரிகளுக்கு இன்று (நவ.27) விடுமுறை – மாவட்ட ஆட்சியர்
அரியலூர் மாவட்டத்தில் பள்ளிகளுக்கு மட்டும் இன்று (நவ.27) விடுமுறை – மாவட்ட ஆட்சியர்.
பள்ளி கல்லூரிகளுக்கு விடுமுறை அறிவிக்கப்பட்டுள்ள மாவட்டங்கள்
1.கடலூர்
2.மயிலாடுதுறை
3.நாகப்பட்டினம்
4.தஞ்சாவூர்
5.திருவாரூர்
6.திருவள்ளூர்
7.விழுப்புரம்
பள்ளிகளுக்கு மட்டும் விடுமுறை:
1.சென்னை
2.செங்கல்பட்டு
3.காஞ்சிபுரம்
4.புதுக்கோட்டை
5, அரியலூர்
புதுச்சேரி மாநிலம்:
1.புதுச்சேரி
2.காரைக்கால் மாவட்டங்களில் பள்ளி, கல்லூரிகளுக்கு இன்று விடுமுறை.
* திருச்சி பாரதிதாசன் பல்கலை.யில் இன்று நடைபெறுவதாக இருந்த இளநிலை, முதுநிலை பருவ எழுத்து தேர்வுகள் ஒத்திவைப்பு.
* சிதம்பரம் அண்ணாமலைப் பல்கலைக்கழகத்திற்கு விடுமுறை அறிவிப்பு; தேர்வுகளும் ஒத்திவைப்பு.
* மயிலாடுதுறை ஆட்சியர் அலுவலகத்தில் இன்று நடைபெற இருந்த கூட்டுறவு சங்க விற்பனையாளர் பணிக்கான நேர்முக தேர்வு டிசம்பர் 4-ம் தேதிக்கு ஒத்திவைப்பு.
இன்று நடைபெற இருந்த சென்னை பல்கலைக்கழக தேர்வுகள் கனமழை காரணமாக ஒத்திவைக்கப்படுவதாக அறிவிக்கப்பட்டு உள்ளது.