நங்கநல்லூர் மெட்ரோ ரயில் நிலையம் “OTA – நங்கநல்லூர் சாலை மெட்ரோ” ரயில் நிலையம் என்று பெயர் மாற்றம் செய்யப்படுவதாக சென்னை மெட்ரோ ரயில் நிர்வாகம் அறிவித்துள்ளது.
சென்னை மெட்ரோ ரயில் நிலைய திட்டத்தின் முதல் கட்ட வழித்தடத்தில் உள்ள இந்த நங்கநல்லூர் சாலை மெட்ரோ ரயில் நிலைய பெயர்மாற்றம் முடித்து 22.10.2024ல் அரசாணை வெளியிடப்பட்டது.
இதனையடுத்து ஆலந்தூர் – ஏர்போர்ட் இடையிலான இந்த மெட்ரோ ரயில் நிலையம் இனி OTA – நங்கநல்லூர் சாலை மெட்ரோ ரயில் நிலையம் என்று பெயர் மாற்றம் செய்யப்படும் என்று தெரிவிக்கப்பட்டுள்ளது.
இந்திய ராணுவ அதிகாரிகள் பயிற்சி மையம் (Officers Training Academy – OTA) அமைந்துள்ள இந்த பகுதிக்கு OTA ரயில் நிலையம் என்று பெயர்மாற்றம் செய்ய இந்திய ராணுவ அதிகாரிகள் கோரிக்கை வைத்த நிலையில் இந்திய ராணுவத்தை கௌரவிக்கும் விதமாக இந்த பெயர் மாற்றம் செய்யப்படுவதாக மெட்ரோ நிர்வாகம் இன்று அறிவித்துள்ளது.