சென்னை
இன்று முதல் திருவனந்தபுரம் நாகர்கோவில் இடையே சிறப்பு ரயில் இயக்க உள்ளதாக தெற்கு ரயில்வே அறிவித்துள்ளது.
தெற்கு ரயில்வே, கேரள மாநிலம் திருவனந்தபுரம் மற்றும் கொல்லத்தில் ரயில்வே தேர்வு (ஆர்.ஆர்.பி.) நடைபெற இருப்பதால் தேர்வு எழுத செல்பவர்களின் வசதிக்காக திருவனந்தபுரம்-நாகர்கோவில் இடையே சிறப்பு ரயில் இயக்க உள்ளதாக அறிவித்துள்ளது.
தெற்கு ரயில்வே வெளியிட்டுள்ள செய்திக்குறிப்பில்
“திருவனந்தபுரம் சென்டிரலில் இருந்து இன்று (24-ந் தேதி) முதல் 28-ந் தேதி வரை இரவு 9.15 மணிக்கு புறப்படும் சிறப்பு ரயில் (வண்டி எண்.06065), அதேநாள் இரவு 10.40 மணிக்கு நாகர்கோவில் வந்தடையும்.
மறுமார்க்கமாக, நாகர்கோவிலில் இருந்து நாளை (25-ந் தேதி) முதல் 29-ந் தேதி வரை அதிகாலை 2 மணிக்கு புறப்படும் சிறப்பு ரயில் (06066), அதேநாள் அதிகாலை 3.25 மணிக்கு திருவனந்தபுரம் சென்றடையும்”
என அறிவிக்கப்பட்டுள்ளது.