விக்கிரவாண்டி
நடந்து முடிந்த தவெக மாநாட்டுக்கு நிலம் அளித்த விவசாயிகளுக்கு நடிகர் விஜய் நாளை விருந்து அளித்து கவுரவிக்க உள்ளார்
நடிகர் விஜய் தமிழக வெற்றிக் கழகம் என்ற கட்சியை அண்மையில் தொடங்கினார் கடந்த அக்டோபர் 27 ஆம் தேதி அன்று தமிழக வெற்றிக் கழகத்தின் முதல் அரசியல் மாநாடு விழுப்புரம் மாவட்டம் விக்கிரவாண்டியில் பிரமாண்டமாக நடைபெற்றது. \ மாநாட்டில் லட்சக்கணக்கான தொண்டர்கள் பங்கேற்றனர்.
இந்த மாநாட்டில்\ விஜய்யின் பரபரப்பான பேச்சு தமிழக அரசியல் வட்டாரத்தில் பெரும் அதிர்வலையை ஏற்படுத்தியது. வரும் 2026-ம் ஆண்டு சட்டமன்ற தேர்தலை எதிர்கொள்ள தமிழக வெற்றிக் கழகம் தயாராகி வருகிறது.. தமிழக வெற்றிக் கழக மாநாட்டிற்கு நிலங்கள் வழங்கிய விவசாயிகளுக்கு தவெக சார்பில் நாளை விருந்தளிக்கப்பட உள்ளது.
இந்நிகழ்வு சென்னை பனையூரில் உள்ள தலைமை அலுவலகத்தில் அக்கட்சியின் பொதுச் செயலாளர் புஸ்ஸி ஆனந்த் தலைமையில் நாளை காலை 10 மணியளவில் நடைபெறுகிறது. நிகழ்ச்சியில் தவெக தலைவர் விஜய் கலந்துக்கொள்ள உள்ளதாக தகவல் வெளியாகியுள்ளது. இதில் விழுப்புரம் மாவட்ட நிர்வாகிகளும் பங்கேற்பதாகவும் கூறப்படுகிறது.