ரஜினிகாந்த் படத்தில் நடிக்கும் கமலஹாசன் மகள்

சென்னை

நடிகர் ரஜினிகாந்தின் கூலி திரைப்படத்தில் கமலஹாசன் மகள் ஸ்ருதிஹாசன் நடிக்க உள்ளார்.

நடிகர் ரஜினிகாந்த்தின் 171-வது திரைப்படமான ‘கூலி’ சன் பிக்சர்ஸ் தயாரிப்பில்பான் இந்தியா படமாக உருவாகி வருகிறது. இயக்குனர் லோகேஷ் கனகராஜ் இயக்குத்தில் இப்படத்தில் தமிழ், தெலுங்கு, மலையாளம், கன்னடம் ஆகிய மொழிகளில் நடித்து வரும் முன்னணி நடிகர்கள் முக்கிய பாத்திரங்களில் நடித்து வருகின்றனர்.

இந்த படத்தில் சவுபின் ஷாயிர், நாகர்ஜுனா, சத்யராஜ், உபேந்திரா, சுருதிஹாசன் ஆகியோர் நடிக்கின்றனர். அண்மையில்  இப்படத்தின் முதல் கட்ட படப்பிடிப்பு பணிகள் ஐதராபாத்தில் நடைபெற்றது. தற்போது சென்னையில் இப்படத்தின் இரண்டாம் கட்ட படப்பிடிப்பு பணிகள் விறுவிறுப்பாக நடைபெற்று வருகிறது.

அடுத்த ஆண்டு மே மாதம் வெளியாஉள்ள இப்படத்தில் நடிகை ஸ்ருதிஹாசன் சென்னையில் நடக்கும் படப்பிடிப்பில் ஈடுபட்டுள்ளார். ஸ்ருதிஹாசன் மேக்கப் போடும் போது எடுத்த புகைப்படம் இணையத்தில் வைரலாகி வருகிறது. ஸ்ருதிஹாசன் இந்த படத்தில் ‘பிரீத்தி’ என்ற கதாபாத்திரத்தில் நடிக்கிறார் என்பது குறிப்பிடத்தக்கது.