ஐதராபாத்
பிரதமர் மோடி 3 கட்ட தேர்தலுக்கு பிறகு கவலையில் உள்ளதாக மல்லிகார்ஜுன கார்கே கூறியுள்ளார்.
கடந்த ஏப்ரல் 19 ஆம் தேதி முதல் ஜூன் 1 ஆம் தேதி வரை நாடாளுமன்ற மக்களவை தேர்தல் 7 கட்டங்களாக நடைபெறுகிறது. ஏற்கனவே 3 கட்ட தேர்தல்கள் முடிந்துள்ள நிலையில், 4-ம் கட்ட தேர்தல் வரும் 13-ந்தேதி நடைபெற உள்ளது.
இன்று ஐதராபாத்தில் காங்கிரஸ் தலைவர் மல்லிகார்ஜுன கார்கே செய்தியாளர்களிடம்,
” தங்கள் ஆட்சியின் சாதனைகள் குறித்து பேசாத பா.ஜ.க.வினர் காங்கிரஸ் தலைவர்களின் பேச்சுக்களை திரித்துப் பேசி, காங்கிரஸ் கட்சியினரை விமர்சித்து வருகின்றனர்.நடந்து முடிந்த மூன்று கட்ட தேர்தல்களுக்குப் பிறகு மோடியும், அமித்ஷாவும் கவலையில் இருக்கின்றனர்.
இருவரும் பா.ஜ.க.வின் தேர்தல் அறிக்கை குறித்து பேசுவதை நிறுத்திவிட்டு காங்கிரஸ் கட்சியை விமர்சிப்பதை மட்டுமே தற்போது செய்து வருகின்றனர்.
மோடிக்கு மாங்கல்யம், மட்டன் மற்றும் முகலாயர்கள் ஆகிய 3 வார்த்தைகள் மிகவும் பிடித்தமானவை. ஒரு பிரதமருக்கு குழந்தைத்தனமான விமர்சனங்களை முன்வைப்பது உகந்தது அல்ல.”
என்று தெரிவித்துள்ளார்.