நாளை மறுநாள் தாம்பரம் – திருச்சி இடையே சிறப்பு ரயில் இயக்கம்

சென்னை

நாளை மறுநாள் தாம்பரம் மற்றும் திருச்சி இடையே சிறப்பு ரயில் இயக்கப்படும் என தெற்கு ரயில்வே அறிவித்துள்ளது.

நாளை மறுநாள் தாம்பரம்-திருச்சி இடையே சிறப்பு ரயில் இயக்கப்பட உள்ளதாக தெற்கு ரயில்வே அறிவித்துள்ளது. வரும் 30 ஆம் தேதி இந்த ரயில் தாம்பரத்தில் இருந்து இரவு 10.30 மணிக்கு புறப்பட்டு, மறுநாள்(அக்டோபர் 1-ந்தேதி) காலை 6.10 மணிக்குத் திருச்சி சென்றடையும் என தெரிவிக்கப்பட்டுள்ளது.

மறு மார்க்கமாக திருச்சியில் இருந்து அக்டோபர் 1-ந்தேதி இரவு 10.45 மணிக்குப் புறப்படும் ரயில், மறுநாள்(அக்டோபர் 2-ந்தேதி) காலை 6.10 மணிக்குத் தாம்பரம் சென்றடையும் என தெற்கு ரயில்வே நிர்வாகம் வெளியிட்டுள்ள அறிவிப்பில் தெரிவிக்கப்பட்டுள்ளது.