சென்னை: அரக்கோணம் அருகே பள்ளி மாணவிகளை ஏற்றிச்சென்ற பேருந்து திடீரென தீப்பற்றி எரிந்தது. இந்தவிபத்தில் பள்ளி மாணவிகள் அனைவரும் அதிர்ஷ்டவசமாக உயிர் தப்பினர்.
அரக்கோணம் ஜோதி நகரில் உள்ள தனியார் பள்ளிக்கு சொந்தமான பேருந்து இனறு காலை பள்ளிக்கு மாணவிகளை ஏற்றிக்கொண்டு வரும்போது அரக்கோணம் சேந்தமங்கலத்தில் அருகே காஞ்சிபுரம் – அரக்கோணம் நெடுஞ்சாலையில் வந்தபோது திடீரென தீப்பற்றி எரிந்தது. முன்னதாக எஞ்சினில் இருந்து திடீரென புகை வருவதை கண்ட டிரைவர் உடடினயாக பேருந்தை நிறுத்திவிட்டு, மாணவிகளை அவசரமாக கீழே இறங்கச்செய்தனர்.
இந்த நிலையில், பேருந்தின் முன்பகுதி திடீரென தீபிடித்த எரியத்தொடங்கியது. இதுகுறித்து டிரைவர் தீயணைப்பு துறைக்கு தகவல் கொடுத்தார். அதற்கு பள்ளி பேருந்து முற்றிலும் எரிந்து நாசமானது. இதையடுத்து அங்கு அரக்கோணம் தீயணைப்புத் துறையினர் நேரில் வந்து தீயை அணைத்தனர்.
பேருந்தில் இருந்த 10க்கும் மேற்பட்ட மாணவிகளும் டிரைவர் கண்டர்கடரின் முன்னெச்சரிக்கை நடவடிக்கை காரணமாக, உடனடியாக கீழே இறக்கிவிடப்பட்டதால், அதிர்ஷ்டவசமாக உயிரிழப்பு எதுவும் ஏற்படவில்லை.
இச்சம்பவம் குறித்து நெமிலி காவல் நிலைய போலீசார் விசாரணை நடத்தி வருகின்றனர். பள்ளிப் பேருந்து தீப்பற்றி எரிந்த சம்பவம் அரக்கோணம் பகுதியில் பரபரப்பை ஏற்படுத்தியுள்ளது.