சென்னை: 11ம் வகுப்பு துணைத்தேர்வு முடிவுகள் நாளை பிற்பகல் வெளியாகிறது என பள்ளிக்கல்வித்துறை தெரிவித்து உள்ளது. 11ம் வகுப்பு துணைத்தேர்வு முடிவுகள் நாளை பிற்பகல் 3 மணிக்கு இணையதளத்தில் வெளியிடப்படும் என அரசு தேர்வுகள் இயக்ககம் தெரிவித்துள்ளது.
கடந்த மே மாதம் நடைபெற்ற மேல்நிலை முதலாம் ஆண்டு பொதுத்தேர்வில் தேர்ச்சி பெறாத / வருகை புரியாத மாணவர்கள், தேர்ச்சி பெறாத/ வருகை புரியாத பாடங்களை மீண்டும் துணைத் தேர்வை எழுத இணையம் மூலம் விண்ணப்பிக்கலாம் என்று அறிவிக்கப்பட்டது. இதற்கு மாணவர்கள் ஜூன் 29 முதல் ஜூலை 6 வரை விண்ணப்பம் பெறப்பட்டது. அதைத்தொடர்ந்து, தேர்வுகள் நடத்தப்பட்டன.
இந்த நிலையில், தேர்வு முடிவுகள் நாளை பிற்பகல் 3மணி அளவில் இணையதளத்தில் வெளியிடப்படும் என அரசு தேர்வுகள் இயக்கம் அறிவித்து உள்ளது. https://www.dge.tn.gov.in/ என்ற இணையதளத்தில் விண்ணப்பதாரர்கள் தேர்வு முடிவுகளை அறிந்துகொள்ளலாம். அறிந்து கொள்ளலாம்.