சென்னை: தமிழ்நாட்டில் 10ஆம் வகுப்பு பொதுத்தேர்வு முடிவுகள் நாளை வெளியாகிறது என பள்ளிக்கல்வித்துறை அறிவித்துள்ளது. தேர்வு முடிவுகளை மாணாக்கர்கள் இணையதளத்தில் பார்க்கலாம் என தெரிவிக்கப்பட்டு உள்ளது.
தமிழகத்தில் 10ம் வகுப்பு பொதுத்தேர்வு கடந்த மே மாதம் 30-ம் தேதியும் முடிவடைந்தது. அதைத்தொடர்ந்து, விடைத்தாள் திருத்தும் பணி ஜூன் 1-ஆம் தேதி தொடங்கி நடைபெற்ற முடிந்தது. இதற்கிடையில், தமிழகத்தில் 1 முதல் 10-ஆம் வகுப்பு மாணவர்களுக்கு கோடை விடுமுறை முடிந்து, ஜூன் 13ந்தேதி (திங்கட்கிழமை) முதல் பள்ளிகள் திறக்கப்பட்டுள்ளன.
இந்த நிலையில், 10 ஆம் வகுப்பு பொதுத்தேர்வு முடிவுகள் திட்டமிட்டப்படி நாளை (ஜூன் 17 ஆம் தேதி) வெளியிடப்படவுள்ளதாக தகவல் வெளியாகியுள்ளது.
தேர்வுமுடிவுகளை மாணவர்கள் பள்ளிக்கல்வித்துறையின அதிகாரப்பூர்வ வலைத்தள பக்கத்தில் தெரிந்து கொள்ளலாம் என தெரிவிக்கப்பட்டு உள்ளது.
இணையதள முகவரி:
https://www.dge.tn.gov.in/, http://tnresults.nic.in/
இதனைத்தொடர்ந்து, 12-ஆம் வகுப்பு பொதுத்தேர்வு முடிவுகள் வரும் ஜூன் 23-ஆம் தேதி வெளியிடப்படவுள்ளது.