ரொம்ப தப்பா தெரியுது ; தாமரைக்கு எதிராக ராஜூ….!

பிக் பாஸ் சீசன் 5 நிகழ்ச்சி மூன்று வாரங்களை கடந்து வெற்றிகரமாக சென்று கொண்டிருக்கிறது. விஜய் டிவியில் திங்கள் முதல் வெள்ளி வரை இரவு 10:00 மணிக்கும் சனி மற்றும் ஞாயிறுகளில் இரவு 9:30 மணிக்கும் ஒளிபரப்பாகிற பிக் பாஸ் தமிழ் சீசன் 5 நிகழ்ச்சி இம்முறையும் ரசிகர்கள் கவனத்தை ஈர்த்து வருகிறது. அதில் மொத்தம் 18 போட்டியாளர்கள் உள்ளே நுழைந்தனர்.

1. மதுமிதா (ஆடை வடிவமைப்பாளர்)
2. இசைவாணி (கானா பாடகி)
3. அபிஷேக் (விமர்சகர்)
4. ராஜு ஜெயமோகன் (சீரியல் நடிகர்)
5. பிரியங்கா தேஷ்பாண்டே (தொகுப்பாளினி)
6. அபினய் வட்டி (நடிகர்)
7. சின்னப்பொண்ணு (நாட்டுப்புற பாடகி)
8. பவானி ரெட்டி (சீரியல் நடிகை)
9. நாடியா சாங் (மலேஷியாவை சேர்ந்த மாடல் அழகி)
10. இமான் அண்ணாச்சி (நகைச்சுவை நடிகர்)
11. வருண் (நடிகர்)
12. ஐக்கி பெரி (ராப் பாடகி)
13. அக்‌ஷரா ரெட்டி (மாடல் அழகி)
14. நிரூப் நந்தகுமார் (நடிகர்)
15. நமீதா மாரிமுத்து (மாடல் அழகி)
16. சிபி சந்திரன் (மாஸ்டர் பட நடிகர்)
17. சுருதி ஜெயதேவன் (மாடல் அழகி)
18. தாமரைச் செல்வி (நாடக கலைஞர்)

நமீதா மாரிமுத்து, நாடியா, அபிஷேக் வெளியேற்றப்பட்ட்டுள்ளதால் தற்போது 15 போட்டியாளர்கள் உள்ளனர். கடந்த வாரம் நடைபெற்ற பஞ்சதந்திரம் டாஸ்கில் வெற்றி பெறுபவர்கள் நாமினேஷன் லிஸ்டில் இருந்தால் அவர், அதில் இருந்து விடுவிக்கப்படுவார் , ஒருவேளை அவர் பெயர் நாமினேஷனில் இல்லை என்றால் அவர் விருப்பப்படும் நபரை சேவ் செய்து கொள்ளலாம் என பிக் பாஸ் அறிவித்திருந்தார்.

நாணயங்கள் வைத்திருக்கும் ஐந்து பேரை அழைத்த பிக் பாஸ் தங்கள் நாணயத்தை பயன்படுத்தி மதுவிற்கு பதிலாக நீங்கள் ஐவரில் ஒருவர் தலைவராக மாறலாம் என்றார். ஆனால் அனைவரும் மது தலைவராக இருக்க விரும்புவதாக தெரிவித்த நிலையில் அடுத்த வாரம் நாணயத்தை பயன்படுத்துவார்கள் என எதிர்பார்க்கப்படுகிறது. இதனை தொடர்ந்து நான்காவது வாரத்திற்கான நாமினேஷன் நடைபெற்றது. அதில் பாவனி, அபினய், பிரியங்கா, அக்ஷரா, வருண், ஸ்ருதி, இசைவாணி, இமான் மற்றும் சின்னப்பொண்ணு ஆகியோர் நாமினேட் ஆகியுள்ளனர்.

நேற்று தொடங்கிய பட்டிமன்றம் டாஸ்கில் தாமரை, பிரியங்கா மற்றும் ஸ்ருதி ஆடை குறித்து வைத்த விமர்சனம் பிக் பாஸ் வீட்டில் பல்வேறு தாக்கத்தை ஏற்படுத்தியது. அதற்காக பொங்கிய சிபியும் தாமரையை நீங்கள் அடக்கமாக இருக்கீங்களா? என கேட்டு வாயை அடக்கினார். இந்நிலையில் இன்றைய புரமோவிலும் ஸ்ருதி vs தாமரை செல்வி சண்டை நீள்கிறது.

இன்று வெளியான முதல் ப்ரோமோவில் இன்றும் பட்டிமன்றம் டாஸ்க் நடைபெறுவது தெரிகிறது. அதில் நகர அணியில் இருப்பவர்கள் சூப்பராக விளையாடி கொண்டிருக்கிறார்கள் என்பதற்கு மிகப்பெரிய உதாரணம் எங்கள் அணியினரிடம் நான்கு காயின் இருக்கிறது. அங்க ஐந்து பேருமே ஸ்வாஹா என பிரியங்கா கூறுகிறார். இதனால் கடுப்பான தாமரை, தேவையில்லாம பேசாதீங்க, அநியாயமா விளையாடி காயின் தூக்குனது உங்க அணி தானே, மூன்று காயின் இருக்குனு சொல்லுங்க என கூறுகிறார். மேலும் அதை பத்தி ஏன் நீங்க பேசுனீங்க, கமல் சார் வந்து பேசும் வரை நான் அதை பற்றி பேசாமல் தானேஇருந்தேன் எனவும் கோபத்துடன் கூறுகிறார்.

இதனை தொடர்ந்து வெளியாகியுள்ள இரண்டாவது ப்ரோமோவில், தாமரைக்கு, ராஜு அட்வைஸ் செய்கிறார். நீ தெரியாமல் பேசுகிறாய், ஓரளவிற்கு தான் சகித்து கொள்ள முடியும், எல்லை மீறி சென்றால் எதுவும் செய்ய முடியாது. எப்போதும் கதவை திறந்தால் சென்று விடுவேன் என கூறுகிறாய், இப்போ கதவை திறந்து வெளியே போங்க என கூறிவிட்டால் என்ன செய்யவாய்? என ராஜு கேட்கிறார். அதற்கு தாமரை வெளியே சென்றால் நாடகத்திற்கு செல்வேன் என்கிறார்.

இந்த சீசன் தொடங்கி நான்கு வாரங்கள் முடியும் நிலையில், அபினய் கிட்டத்தட்ட எதுவுமே செய்வதில்லை. முந்தைய பிக் பாஸ் சீசனின் ரமேஷ் போல தான் அபினய் என்று ரசிகர்கள் கமெண்ட் செய்துள்ளனர். சின்ன பொண்ணு வெளியேறுவதற்கு அதிகமாக வாய்ப்பு இருந்தாலும் ஏகப்பட்ட சர்ச்சைகள் காரணமாக இசைவாணியும் இந்த வாரம் எலிமினேட் ஆகலாம் என எதிர்பார்க்கப்படுகிறது. ஒரு வேளை இந்த வாரம் நாணயத்தின் பவரை பயன்படுத்தலாம் என கூறப்பட்டால் எலிமினேஷனில் மாற்றம் ஏற்படும் என்பதால் யார் வெளியேறுவார்? என்ற எதிர்பார்ப்புகள் அதிகரித்துள்ளது.