சுரேஷ் காமாட்சி தயாரிப்பில் வெங்கட் பிரபு இயக்கத்தில், சிம்பு நடிப்பில் உருவாகிவரும் படம் ‘மாநாடு’. சிம்புவிற்கு ஜோடியாக கல்யாணி பிரியதர்ஷன் நடிக்கிறார்.
இப்படத்திற்கான படப்பிடிப்பை நிறைவுசெய்துள்ள படக்குழு, தற்போது இறுதிக்கட்டப் பணிகளில் கவனம் செலுத்திவருகிறது. ‘மாநாடு’ திரைப்படம் தீபாவளி தினத்தையொட்டி வெளியாகவுள்ள நிலையில், படத்தின் ட்ரைலர் விரைவில் வெளியாகும் என நடிகர் சிம்பு தெரிவித்திருந்தார்.
மாநாடு படத்தின் டீஸர் மற்றும் பாடல் வெளியாகி ரசிகர்கள் மத்தியில் நல்ல வரவேற்பை பெற்றிருந்தது. இந்த படத்தின் விறுவிறுப்பான ட்ரைலர் வெளியிடப்பட்டது. படத்தின் மீதான எதிர்பார்ப்பை எகிற வைத்துள்ளது.
இந்த படத்தின் தமிழ்நாடு திரையரங்க உரிமையை SSI ப்ரொடக்ஷன் சார்பாக சுப்பையா சண்முகம் கைப்பற்றியுள்ளார்.மேலும் படத்தின் வெளிநாட்டு உரிமைகள் குறித்த தகவலையும் படத்தின் தயாரிப்பாளர் வெளியிட்டுள்ளார்.
இப்படம் வரும் தீபாவளி தினத்தன்று வெளியாகவுள்ளதாக முன்னர் அறிவிக்கப்பட்ட நிலையில், தற்போது இப்படம் வரும் நவம்பர் 25ஆம் தேதி வெளியாகவுள்ளதாக அதிகாரபூர்வமாக அறிவிக்கப்பட்டுள்ளது.
மாநாடு ட்ரெய்லரில் அதிகம் பேசப்பட்டவர் எஸ்.ஜே.சூர்யா. இதில் அவர் போலீஸ் அதிகாரியாக வருகிறார். அவர் படத்தைப் பார்த்தபின் போட்ட ட்வீட் வைரலாகி வருகிறது.
‘எட்டு நாள் மாநாடு டப்பிங் வேலையை 5 நாளில் முடித்தேன். என்னுடைய நாடி, நரம்பு, கழுத்து, முதுகு, தொண்டை எல்லாம் போச்சு. குறைந்தது 10 நாள் ஓய்வு வேண்டும் என்று எல்லா அவயங்களும் கெஞ்சுகின்றன. ஆனால், கடைசி அவுட்புட்டை பார்த்த பிறகு, உங்க எல்லோருக்கும் ஒன்றை சொல்லிக்கிறேன்… தீபாவளி நவம்பர் 25 தான்டா.’