மூவிங் பிரேம் பட நிறுவனம் சார்பாக எஸ்.பார்த்தி, எஸ்.எஸ்.வாசன் இருவரும் இணைந்து தயாரிக்கும் படம் `கள்ளபார்ட்’.
இந்தப் படத்தில் அரவிந்த்சாமி நாயகனாகவும், ரெஜினா நாயகியாகவும் நடிக்கிறார்கள். முக்கிய வேடத்தில் ஆனந்த்ராஜ் நடிக்கிறார்.
‘என்னமோ நடக்குது’, ‘அச்சமின்றி’ ஆகிய படங்களை இயக்கிய ராஜபாண்டி இயக்கத்தில் இப்படம் உருவாகிறது.
இப்படத்தின் அனைத்துப் பணிகளும் முடிவடைந்து ரிலீசிற்குத் தயாராகிவரும் நிலையில், படத்தின் ஃபர்ஸ்ட் லுக் போஸ்டரைப் படக்குழு வெளியிட்டுள்ளது. கையில் பேண்ட், வாயில் சிகரெட் என மிரட்டலான தோற்றத்தில் அரவிந்த் சாமி காட்சியளிக்கும் இந்தப் போஸ்டர் சமூக வலைத்தளத்தில் வைரலாகி வருகிறது.