லோகேஷ் கனகராஜ் இயக்கத்தில் விஜய், விஜய் சேதுபதி நடிப்பில் வெளியான ‘மாஸ்டர்’ திரைப்படம் வசூலைக் குவித்திருக்கும் நிலையில் ‘தளபதி 65’ படம் குறித்து ட்வீட் செய்து பின்னர் டெலிட் செய்யப்பட்ட பதிவு இணையத்தில் ரசிகர்கள் மத்தியில் கவனம் பெற்றுள்ளது.
‘தளபதி 65’ படத்தின் பாடலுக்கு நடனம் அமைக்கும் ஒத்திகை ஏப்ரல் 24-ம் தேதி தொடங்க இருப்பதாகவும் பாடல் படப்பிடிப்பு மே 3ம் தேதி முதல் 9-ம் தேதி வரை நடக்க இருப்பதாகவும் ட்வீட் செய்து பின்னர் அதை நீக்கினார் நடன இயக்குநர் ஜானி மாஸ்டர். இந்த பதிவு ரசிகர்கள் மத்தியில் கவனம் பெற்று வருகிறது.
‘தளபதி 65’ தொடர்பாக ஜானி மாஸ்டர் தனது ட்விட்டர் பதிவில் கூறியிருப்பதாவது:
“தளபதி 65 குழுவில் இணைவதில் மிகவும் உற்சாகமாக இருக்கிறேன். என் மீது வைத்த நம்பிக்கைக்கு இயக்குநர் நெல்சன், தளபதி விஜய்க்கு நன்றி. கண்டிப்பாக இந்த வாய்ப்பை மதிப்புடையதாக ஆக்குவேன். வெறித்தனமான ஒரு பாடலுக்கான ஒத்திகை 24 ஏப்ரல் அன்று தொடங்குகிறது. மே 3லிருந்து 9 வரை படப்பிடிப்பு நடக்கிறது”.
இவ்வாறு ஜானி மாஸ்டர் தெரிவித்துள்ளார்.
ஜானி மாஸ்டரின் இந்த ட்வீட் சமூக வலைதளத்தில் பெரும் வைரலானது. இதில் படப்பிடிப்புக்கான தேதி அனைத்தையுமே குறிப்பிட்டு இருந்தார். சில மணி நேரத்தில் இந்த ட்வீட்டை ஜானி மாஸ்டர் நீக்கிவிட்டது குறிப்பிடத்தக்கது.
