டெல்லி: நாளை நடைபெறுவதாக இருந்த சி.ஏ. தேர்வு ஒத்தி வைக்கப்படுவதாக இந்திய பட்டய கணக்காளர்கள் நிறுவனம் அறிவித்துள்ளது.
டிசம்பர் 8ம் தேதி பிற்பகல் 2 மணி முதல் 5 மணி வரை சி.ஏ. பவுண்டேஷன் தேர்வு தாள் 1 நடைபெறுவதாக இருந்தது. ஆனால் இந்த தேர்வானது வரும் 13ம் தேதிக்கு ஒத்தி வைக்கப்பட்டுள்ளது. இந்த அறிவிப்பை இந்திய பட்டய கணக்காளர்கள் நிறுவனம் டுவிட்டரில் வெளியிட்டு உள்ளது.
டிசம்பர் 13ம் தேதி பிற்பகல் 2 மணி முதல் 5 மணி வரை தேர்வு நடைபெறும். ஏற்கெனவே பதிவிறக்கம் செய்த அதே நுழைவுச் சீட்டுகளை பயன்படுத்தி தேர்ந்தெடுக்கப்பட்ட அதே தேர்வு மையங்களில் தேர்வர்கள் தேர்வினை எழுதலாம்.
தவிர்க்க முடியாத சில காரணங்களால் தேர்வு ஒத்திவைக்கப்பட்டுள்ளதாக இந்திய பட்டய கணக்காளர்கள் நிறுவனம் அந்த பதிவில் கூறி உள்ளது.