சென்னை: தமிழகத்தின் தடுப்பூசி தேவையை பூர்த்தி செய்யும் வகையில், இன்று மேலும் 9லட்சம் கோவீஷீல்டு தடுப்பூசிகள் சென்னை வந்தடைந்துள்ளது.
கொரோனா தொற்று பரவலில் இருந்து மக்கள் பாதுகாப்பாக வாழ தடுப்பூசி ஒன்றே தீர்வாக அமைந்துள்ளது. அதையடுத்து நாடு முழுவதும் தடுப்பூசி செலுத்தும் பணிகள் தீவிரமடைந்துள்ளன. இன்று காலை (30 ஆகஸ்ட், 2021) காலை 8.00 மணி நிலவரப்படி, நாடு முழுவதும இதுவரை செலுத்தப்பட்ட தடுப்பூசி டோஸ்களின் மொத்த எண்ணிக்கை: 63,43,81,358. கடந்த 24 மணி நேரத்தில் செலுத்தப்பட்ட தடுப்பூசி டோஸ்களின் எண்ணிக்கை 31,14,696.
இந்த நிலையில், தமிழ்நாட்டுக்கு இன்று மேலும் 9,09,470 கோவீஷீல்டு தடுப்பூசிகள் வந்தடைந்துள்ளது. புனே சீரம் நிறுவனத்தில் இருந்து 77 பார்சல்களில் இந்த தடுப்பூசிகள் சென்னை வந்தடைந்துள்ளது. இந்த தடுப்பூசிகள் உடனே டிஎம்எஸ் வளாகத்தில் குளிரூட்டப்பட்ட குடோனுக்கு அனுப்பி வைக்கப்பட்டது. அங்கிருந்து மாவட்டங்களின் தேவையைப் பொறுத்து, பிரித்து அனுப்பி வைக்கப்படும் என மக்கள் நல்வாழ்வுத் துறை அலுவலர்கள் தெரிவித்துள்ளனர்.