சென்னை: திமுக கூட்டணியில் இந்திய கம்யூனிஸ்டு கட்சிக்கு ஆறு தொகுதிகள் ஒதுக்கீடு செய்யப்பட்டுள்ளது.
சட்டமன்ற தேர்தலுக்கான காலஅவகாசம் குறைவாக உள்ள நிலையில், திமுக கூட்டணி ட்டணியில் இடம்பெற்றுள்ள கட்சிகளுடன் விரைவில் தொகுதிப் பங்கீட்டை முடிக்க தி.மு.க. தலைமை மும்முரமாக ஈடுபட்டு வருகிறது. விசிக உள்பட சில கட்சிகளுடன் உடன்பாடு ஏற்பட்டுவிட்ட நிலையில், காங்கிரஸ், கம்யூனிஸ்டு கட்சிகள், மதிமுக போன்ற கட்சிகளுடனான பேச்சுவார்த்தையில் இழுபறி நீடித்து வந்தது.
இந்த நிலையில், இந்திய கம்யூனிஸ்டு கட்சியுடன் இன்று மீண்டும் பேச்சுவார்த்தை நடைபெற்றது. இதில் இரு கட்சிகள் இடையே உடன்பாடு ஏற்பட்டு உள்ளதாகவும், 6 தொகுதிகள் ஒதுக்கப்பட்டு இருப்பதாகவும் செய்தியளார்களை சந்தித்த மாநிலச் செயலாளர் முத்தரசன் தெரிவித்துள்ளார்.