சென்னை
பாமக நிறுவனர் டாக்டர் ராமதாசை நேற்று ஆடிட்டர் குருமூர்த்தி மீண்டும் சந்தித்துள்ளார்.
கடந்த சில நாட்களகாவே பா.ம.க. நிறுவனர் டாக்டர் ராமதாசுக்கும், அவரது மகனும் கட்சி தலைவருமான டாக்டர் அன்புமணி ராமதாசுக்கும் இடையே மோதல் இருந்து வருகிறது. இந்நிலையில் கடந்த சில நாட்களுக்கு முன்பு தைலாபுரம் இல்லத்தில் ராமதாசை ஆடிட்டர் குரூமூர்த்தி சந்தித்து பேசினார்.
ராமதாஸ், குருமூர்த்தி ஆகிய இருவருமே இந்த சந்திப்பு நட்பு ரீதியானது எனத் தெரிவித்திருந்தனர். நேற்று டாக்டர் ராமதாஸ் தைலாபுரத்தில் இருந்து சென்னை வந்தார். சென்னை தியாகராயநகரில் உள்ள ஏ.கே.மூர்த்தி மகன் விஜய் மகேஷ் இல்லத்தில் இருந்த ராமதாசுடன், ஆடிட்டர் குருமூர்த்தி 2-வது முறையாக இரவு சந்தித்து பேசினார்.
நேற்றிரவு சுமார் ஒரு மணி நேரம் நடந்த இந்த சந்திப்பின் போது கூட்டணி குறித்து அவர்கள் பேசியதாக கூறப்படுகிறது. தற்போது மத்திய அமைச்சர் அமித்ஷா, மதுரை வந்துள்ள நிலையில் குருமூர்த்தியின் இந்த சந்திப்பு முக்கியத்துவம் பெற்றுள்ளது குறிப்பிடத்தக்கதாகும்.
