சென்னை: உடல்நலம் பாதிப்பு காரணமாக சென்னை காவேரி மருத்துவமனையில் அனுமதிக்கப்பட்டுள்ள ரஜினியின் உடல்நலம் குறித்து காவேரி மருத்துவமனை நிர்வாகம் அறிவிப்பு வெளியிட்டு உள்ளது.
நடிகர் ரஜினிகாந்த் அண்ணாத்த படத்தை தனது குடும்பத்தினருடன் மகிழ்ச்சியாக பார்த்துவிட்டு வீடு திரும்பிய நிலையில், நேற்று மாலை திடீர் உடல்நலக்குறைவு ஏற்பட்டது. இதையடுத்து, நேற்று இரவு சென்னையில் உள்ள தனியார் மருத்துவமனையில்அனுமதிக்கப்பட்டார். அவருக்கு மருத்துவர்கள் முழு உடல் பரிசோதனை மேற்கொண்டபோது ரத்த நாள திசு அழிவு பாதிப்பு ஏற்பட்டுள்ளது கண்டறியப்பட்டது. இந்த நோயால் பாதிக்கப்பட்டவர்கள் விரைந்து சிகிச்சைப்பெற்றால் பெரிய பாதிப்பு எதுவும் ஏற்படாது என மருத்துவர்கள் கூறுகின்றனர்.
இந்நிலையில், மருத்துவமனை ரஜினியின் உடல்நிலை குறித்து அறிக்கை வெளியிட்டுள்ளது. அதில், ரஜினியின் ரத்த நாளத்தில் ஏற்பட்ட பாதிப்பு தொடர்பாக ரஜினிக்கு தொடர்ந்து சிகிச்சை அளிக்கப்பட்டு வருகிறது. மேலும் அவர் வேகமாக குணமடைந்து வருகிறார்.
ஒரு சில நாட்களில் மருத்துவமனையில் இருந்து நடிகர் ரஜினிகாந்த் டிஸ்சார்ஜ் செய்யப்படுவார் என்று அறிக்கையில் கூறப்பட்டுள்ளது.
