பொங்கல் பண்டிகையை முன்னிட்டு விஜய் நடிப்பில் வெளியாக உள்ள வாரிசு படத்தின் டிரெய்லர் இன்று வெளியானது.
பீஸ்ட் படத்திற்கு பிறகு தளபதி விஜய் நடிப்பில் உருவாகியுள்ள வாரிசு படத்தை பிரபல தெலுங்கு இயக்குனர் வம்சி இயக்கியுள்ளார், தில் ராஜூ தயாரித்துள்ளார். இந்தப் படத்திற்கு தமன் இசையமைத்துள்ளார்.
ஆக்சன் கலந்த குடும்பப் படமாக உருவாகியுள்ள ‘வாரிசு’ படத்தில் ராஷ்மிகா மந்தனா நாயகியாக நடித்துள்ளார் தவிர பிரகாஷ்ராஜ், குஷ்பு, சரத்குமார், சுமன், யோகிபாபு, ஷாம், தெலுங்கு நடிகர் ஸ்ரீகாந்த் உள்ளிட்ட பலர் முக்கிய பாத்திரங்களில் நடித்துள்ளனர்.
துணிவு படத்தின் டிரெய்லர் ஏற்கனவே வெளியான நிலையில் தற்போது வாரிசு டிரெய்லரும் வெளியானதை அடுத்து பொங்கலுக்கு எது நல்லா இருக்கும் என்று ரசிகர்கள் மத்தியில் ருசிகரமாக விவாதிக்கப்பட்டு வருகிறது.