தெறி, மெர்சல் போன்ற வெற்றிப்படங்களை இயக்கிய இயக்குனர் அட்லியின் அடுத்த படம் தளபதி 63. இந்த படத்திலும் நடிகர் விஜய் கதாநாயகனாக நடிக்கிறார். படத்திற்கான பூஜை நேற்று நடைபெற்றது. அதைத்தொடர்ந்து படப்பிடிப்பு தொடங்கி உள்ளது.
தளபதி 63 விளையாட்டை மையப்படுத்தி எடுக்கப்பட இருப்பதாக தகவல் வெளியாகி உள்ளது. இந்த படத்தில் விஜய்க்கு ஜோடியாக நயன்தாரா மீண்டும் இணைகிறார். படத்திற்கு ஏஆர். ரகுமான் இசை அமைக்கிறார். படத்தை ஏஜி சினிமாஸ் தயாரிக்கிறது.
இந்த படத்திற்கான பூஜை நேற்று நடைபெற்றது. பூஜையில் நடிகர் விஜய், இயக்குநர் அட்லி, தயாரிப்பாளர் அர்ச்சனா கல்பாத்தி, ஒளிப்பதிவாளர் ஜி.கே.விஷ்ணு, படத்தொகுப்பாளர் ஆண்டனி எல்.ரூபன், கலை இயக்குநர் முத்துராஜ், பாடலாசிரியர் விவேக், கதிர் உள்ளிட்ட படக்குழுவினர் பலரும் கலந்து கொண்டனர். அந்த புகைப்படத்தை படக்குழு வெளியிட்டுள்ளது. அந்த புகைப்படத்தில் நடிகர்கள் ஆனந்த்ராஜ், டேனியல் பாலாஜி, சாய் தீனா உள்ளிட்டோரும் உள்ளனர்.
மேலும் படத்தை தீபாவளிக்கு வெளியிட இருப்பதாக படக்குழு அறிவித்துள்ளது.
