2024 நாடாளுமன்ற தேர்தல் இறுதிப் போட்டிக்கு வாரணாசி தயாராகி வருவதாகவும் மோடியை எதிர்த்து பிரியங்கா காந்தி களமிறங்க வாய்ப்பு இருப்பதாகவும் கூறப்படுகிறது.
இந்திய அரசியலை ஆழமாகப் புரிந்து கொண்டவர்கள் இந்த முறை மோடியின் மேஜிக் வேலை செய்யவே இல்லை என்று நம்புகிறார்கள்.
லோக்சபா தேர்தல் மூன்று கட்டங்கள் முடிந்துவிட்டாலும், மோடி அலையின் எந்த தடயமும் இதுவரை இல்லை.
இந்த முறை, பாஜகவின் வலுவான கோட்டைகளில் (ராஜஸ்தான், ஹரியானா, மகாராஷ்டிரா, கர்நாடகா, பீகார்) ஒரு பெரிய சரிவு ஏற்பட்டுள்ளது, இது பிரதமர் மோடியின் அறிக்கைகள் மற்றும் சைகைகளிலிருந்து எளிதாகப் புரிந்துகொள்ள முடிகிறது.
285 தொகுதிகளுக்கு தேர்தல் நடைபெற்று முடிந்துள்ள நிலையில் தனது 400 தொகுதி இலக்கு கனவாகிப் போனதை அடுத்து மோடியின் வெறுப்பு பேச்சு நாளுக்கு நாள் அதிகரித்து வருகிறது.
நரேந்திர மோடி மீண்டும் மீண்டும் ஆத்திரமூட்டும் வார்த்தைகளை பேசினாலும், வேலையில்லா திண்டாட்டம், பணவீக்கம் மற்றும் ஜாதிவாரி கணக்கெடுப்பு மற்றும் பிற்படுத்தப்பட்டோர், தலித்துகள் மற்றும் பழங்குடியினருக்கு அவர்களின் மக்கள்தொகைக்கு ஏற்ப ஒதுக்கீடு வழங்குவதில் ராகுல் காந்தி கவனம் செலுத்தி வருவதோடு காங்கிரஸ் கட்சியின் உத்தரவாதங்களை மையப்படுத்தியே தனது தேர்தல் பிரச்சாரத்தை மேற்கொண்டு வருகிறார்.
ராகுலின் இரண்டு வருட கடின உழைப்பு இன்று அவருக்கு கைகொடுத்திருக்கிறது.
அதேவேளையில் 2019-ஐ விட 2024-ல் அரசியல் அரங்கில் மோடிக்கு வெளிப்படையாக சவால் விடுவது பிரியங்கா காந்திக்கு மிகவும் எளிதாக உள்ளது.
மோடியின் ஒவ்வொரு தாக்குதலுக்கும் சரளமான முறையில் வலுவான பதில்களை அளித்து வருகிறார் பிரியங்கா காந்தி அதற்கு பிரதமர் மோடி எந்த எதிர்வினையும் தெரிவிக்கவில்லை.
அமேதி மற்றும் ரேபரேலியில் காங்கிரஸின் தேர்தல் வியூகத்திற்கு பொறுப்பான பிரியங்கா, தேசிய அளவிலான தேர்தல் பிரச்சாரத்தில் இருந்து தன்னை விலக்கிக் கொள்வதாகவும், மே 18 ஆம் தேதி வரை உத்தரபிரதேசத்தில் தன்னை கட்டுப்படுத்திக் கொள்வதாகவும் அறிவித்துள்ளார்.
ஏழாவது கட்டமாக ஜூன் 1 ஆம் தேதி தேர்தல் நடைபெற உள்ள வாரணாசி நாடாளுமன்றத் தொகுதிக்கான வேட்புமனு தாக்கல் நாளை மே 7ஆம் தேதி தொடங்குகிறது. வேட்புமனு தாக்கல் செய்வதற்கான கடைசி தேதி மே 14.
இந்தத் தொகுதியில் காங்கிரஸ் மாநிலத் தலைவர் அஜய் ராய் மட்டுமே போட்டியிடுவார் என்று கூறப்பட்டு வந்த நிலையில் தற்போது இந்த தொகுதியில் காங்கிரஸ் கட்சி சார்பில் பிரியங்கா காந்தி போட்டியிடுவார் என்ற பேச்சு அடிபடுகிறது.
வாரணாசி தொகுதியில் போட்டியிடுவதன் மூலம் பிரியங்கா காந்தி இழப்பதற்கு ஒன்றும் இல்லை என்றபோதும் பிரதமர் மோடிக்கு இது வெளிப்படையான சவாலாக அமையும் என்று கூறப்படுகிறது.
இந்த தொகுதியில் எதிர்க்கட்சி பலவீனமாக உள்ளபோதும் பனாரஸ் உள்ளிட்ட பகுதிகளில் பாஜக-வுக்கு அதிகரித்து வரும் எதிர்ப்பு மற்றும் புகழ்பெற்ற பனாரஸ் பட்டு உற்பத்தி பாதிக்கப்பட்டதை அடுத்து இங்குள்ள விசைத்தறி தொழிலாளர்களின் எதிர்ப்பு ஆகியவை பாஜக-வுக்கு பாதகமாகவே உள்ளது.
கான்ட் எம்எல்ஏ சவுரப் ஸ்ரீவஸ்தவா மோடிக்கு வாக்கு கேட்க நேற்று நாகாவன் வந்தபோது, அவர் தெருவில் நுழைந்தவுடன், உள்ளூர் மக்கள் அவரை நாலாபுறமும் சூழ்ந்துகொண்டு அவரை வெளியேறச் சொல்லி எதிர்ப்பு தெரிவித்தனர்.
2022 சட்டமன்றத் தேர்தலில் 5-ல் 4 தொகுதிகளை பாஜக கைப்பற்றி வெற்றி பெற்றாலும், அதற்காக கடுமையாக போராட வேண்டியிருந்தது இங்குள்ள மக்கள் அனைவர் மனதிலும் இன்னும் நீங்காமல் இடம்பெற்றுள்ளது.
இந்த நிலையில் மோடியை எதிர்த்து பிரியங்கா காந்தி களமிறங்க வாய்ப்பிருப்பதாகக் கூறப்படுவதை அடுத்து 2024 நாடாளுமன்ற தேர்தலில் இறுதிப் போட்டி உண்மையில் வாரணாசியில் நடைபெறுமா என்பதை பொறுத்திருந்து தான் பார்க்க வேண்டும்.