2023 ம் ஆண்டு இஸ்ரோ நிறுவனம் ஒவ்வொரு மாதமும் பல்வேறு விண்கலங்களை ஏவி வருகிறது.
சந்திரயான்-3 விண்ணில் ஏவப்பட்ட போது அதனை நேரலையிலும் தொலைக்காட்சியிலும் கோடிக்கணக்கான மக்கள் பார்த்து மகிழ்ந்தனர்.
சந்திரயான்-3 கடைசி கட்ட கவுண்ட் டவுன் ஒலித்த போது அந்த குரலுடன் பல்லாயிரம் பேர் தங்களை அறியாமல் ஐக்கியமானார்கள் என்று சொன்னால் அது மிகையாகாது.
அந்த குரலுக்கு சொந்தக்காரரான இஸ்ரோ-வில் பணிபுரியும் வளர்மதி கடந்த ஆறு ஆண்டுகளாக இஸ்ரோ ஏவும் அனைத்து ராக்கெட்டுகளுக்கும் கவுண்ட்-டவுன் குரல் கொடுத்துள்ளார்.
50 வயதைக் கடந்த வளர்மதி கடந்த சில நாட்களாக உடல்நிலை சரியில்லாமல் இருந்த நிலையில் சென்னையில் உள்ள தனியார் மருத்துவமனையில் மாரடைப்பு காரணமாக நேற்று மரணமடைந்தார்.
The iconic & powerful female voice behind #isro rocket launch countdowns, has faded away for eternity…Valarmathi ma'am passed away at a #chennai hospital on Saturday evening, after a heart attack..
She was last heard counting down on July 14th for #chandrayaan3 LVM3 🚀
🙏💔😞 pic.twitter.com/nOuO3x3HJ7— Sidharth.M.P (@sdhrthmp) September 3, 2023
இஸ்ரோவுக்காக கடந்த ஆறு ஆண்டுகளாக ஒலித்த குரல் கடைசியாக ஜூலை 30 ம் தேதி PSLV-C56 மூலம் 7 சிங்கப்பூர் சாட்டிலைட்களை ஏவியதற்கு ஒலித்தது.
பிரபலங்கள், அரசியல்வாதிகள், விளையாட்டு வீரர்கள் மற்றும் விஞ்ஞானிகள் என்று ஒரு சிலரின் குரல் மக்களின் மனதில் என்றும் நிலைத்திருப்பதைப் போல் இஸ்ரோ வளர்மதியின் குரலும் இந்தியர்களின் மனதில் இடம்பிடித்துள்ளது.