திருச்சி
தெற்கு ரயில்வே திருச்சி – காரைக்கால் ரயில் சேவையில் மாற்றம் செய்துள்ளது.
தெற்கு ரயில்வே வெளியிட்டுள்ள செய்திக்குறிப்பில்,
”திருச்சி ரயில்வே கோட்டத்துக்கு உட்பட்ட திருவாரூர் மற்றும் கீழ்வேளூர் இடையே பொறியியல் பணி நடைபெறுவதால் திருச்சி-காரைக்கால் டெமு ரயில் சேவையில் மாற்றம் செய்யப்பட்டுள்ளது. வண்டி எண் 76820 திருச்சி-காரைக்கால் டெமு ரயில் இன்று (திங்கட்கிழமை) மற்றும் 18, 19, 20, 21, 22-ந் தேதிகளில் திருச்சி ஜங்ஷனில் இருந்து காலை 8.35 மணிக்கு புறப்பட்டு திருவாரூர் வரை மட்டும் இயக்கப்படும்.
வண்டி எண் 76819 காரைக்கால்-திருச்சி டெமு ரயில் இன்று மற்றும் 18, 19, 20, 21, 22-ந் தேதிகளில் காரைக்கால்-திருவாரூர் இடையே பகுதியாக ரத்து செய்யப்படுகிறது. இந்த ரயில் மாலை 4.15 மணிக்கு திருவாரூரில் இருந்து புறப்பட்டு திருச்சிக்கு வந்து சேரும்.
வண்டி எண் 56817 காரைக்கால்-தஞ்சை பயணிகள் ரெயில் இன்று மற்றும் 18, 19, 20, 21, 22-ந் தேதி பகல் 1 மணிக்கு காரைக்காலில் இருந்து புறப்பட்டு 30 நிமிடம் தாமதமாக தஞ்சை வந்தடையும்”
என அறிவிக்கப்பட்டுள்ளது.
