சென்னை
இன்று புறநகர் மின்சார ரயில்கள் ஞாயிறு அட்டவணைப்படி இயக்கப்பட உள்ளது.
தினமும் சென்னை மற்றும் அதன் புறநகர் பகுதிகளில் வசித்து பள்ளி, கல்லூரி, அலுவலகங்களுக்கு செல்லும் லட்சக்கணக்கான பயணிகள் மின்சார ரயில் சேவையைப் பயன்படுத்தி வருகின்றனர்.
நாள்தோறும் சென்னை கடற்கரையில் இருந்து தாம்பரம், செங்கல்பட்டு, வேளச்சேரி, கும்மிடிப்பூண்டி, உள்ளிட்ட வழித்தடங்களில் 700 ரெயில்களுக்கு மேல் இயக்கப்பட்டு வருகின்றன.
தெற்கு ரயில்வே ஆங்கில புத்தாண்டு தினத்தை முன்னிட்டு இன்று, சென்னை சென்ட்ரல் – அரக்கோணம், சென்னை சென்ட்ரல் – கும்மிடிப்பூண்டி சூலூர்பேட்டை மற்றும் சென்னை கடற்கரை – செங்கல்பட்டு பிரிவுகளில் புறநகர் ரெயில் சேவைகள் ஞாயிற்றுக்கிழமை அட்டவணை படி இயங்கும் எனத் தெரிவித்துள்ளது.