இன்று கல்லூரிகளில் சேர விண்ணப்பிக்கக் கடைசி நாள்

சென்னை

இன்று மாலையுடன் பொறியியல், கலை, அறிவியல் கல்லூரிகளில் சேர விண்ணப்பிக்க அளிக்க அவகாசம் முடிவடைகிறது

கடந்த மாதம் முதல் மாநில அரசு பாடத்திட்டத்தில் படித்த 12ஆம் வகுப்பு மாணவர்கள் உயர் கல்வியில் சேர விண்ணப்பித்து வருகின்றனர்.  இவர்கள் இணையம் வழியாக கலை அறிவியல் மற்றும் பொறியியல் கல்லூரிகளில் விண்ணப்பித்து வருகின்றனர். சி.பி.எஸ்.இ., 12ஆம் வகுப்பு தேர்வு முடிவு தாமதம் ஆனதால் அம்மாணவர்கள் விண்ணப்பிக்க வசதியாகக் கல்லூரிகள், பல்கலைக் கழகங்களில் மாணவர்கள் சேர்க்கையை முடிக்கக் கூடாது என யு.ஜி.சி. உத்தரவிட்டது.

இதன் அடிப்படையில் கல்லூரிகளில் சேருவதற்கு அவகாசம் கொடுக்கப்பட்டது.  கடந்த 22 ஆம் தேதி சி.பி.எஸ்.இ. தேர்வு முடிவு வெளியானது.  எனவே அவர்களுக்கு முடிவு வெளியான பின்னர் 5 நாட்கள் அவகாசம் கொடுக்கப்பட்டது.  இன்று (27-ந் தேதி) வரை கல்லூரிகளில் சேர விண்ணப்பிக்கலாம் என அறிவிக்கப்பட்டது..

இதுவரை தமிழகத்தில் உள்ள பொறியியல் கல்லூரிகளில் சேர 2 லட்சத்து 5 ஆயிரம் பேரும் இதே போல 163 கலை அறிவியல் கல்லூரிகளில் 4 லட்சத்து 1494 பேரும் நேற்று வரை விண்ணப்பித்து உள்ளனர். கடந்த 4 நாட்களாக சி.பி.எஸ்.இ. மாணவர்கள் கடந்த 4 நாட்களாக பொறியியல் மற்றும் கலை அறிவியல் கல்லூரிகளில் சேர விண்ணப்பித்து வந்த நிலையில் இன்று மாலையுடன் அவகாசம் முடிகிறது.