சென்னை
இன்று சென்னையில் செஸ் ஒலிம்பியாட் தொடங்குவதையொட்டி 4 மாவட்டங்களுக்கு விடுமுறை விடப்பட்டுள்ளது.
இன்று சென்னை அருகில் உள்ள மாமல்லபுரத்தில், 44-வது செஸ் ஒலிம்பியாட் போட்டி தொடங்கி அடுத்த மாதம் (ஆகஸ்டு) 10-ந்தேதி வரை நடைபெற உள்ளது. இந்த போட்டி 1927-ம் ஆண்டு முதல் நடத்தப்பட்டு வருகிறது.
தற்போது இந்த போட்டி ஆசியாவில் 30 ஆண்டுகளுக்கு பிறகும், இந்தியாவில் முதல் முறையாகவும் நடைபெறுகிறது. போட்டியில் 187 நாடுகள் பங்கேற்கின்றன. இன்று சென்னை நேரு உள் விளையாட்டு அரங்கில் நடைபெற உள்ள பிரமாண்ட விழாவில் செஸ் ஒலிம்பியாட் போட்டியைப் பிரதமர் மோடி தொடங்கி வைக்கிறார்.
இன்று, செஸ் ஒலிம்பியாட் தொடக்க விழாவையொட்டி, சென்னை, திருவள்ளூர், செங்கல்பட்டு, காஞ்சிபுரம் ஆகிய நான்கு மாவட்டங்களுக்கு விடுமுறை அளிக்கப்பட்டுள்ளது. இந்த விடுமுறையை ஈடுசெய்யும் வகையில் ஆக. 27-ஆம் தேதி (நான்காவது சனிக்கிழமை) பணி நாளாக அறிவிக்கப்பட்டுள்ளது.