பெங்களூரு:
மத்திய அரசு அமல்படுத்தி உள்ள புதிய வாகன அபராத கட்டணம் மசோதாவைத் தொடந்து, கர்நாடக மாநிலத்தில் கடந்த 2 வாரத்தில் மட்டும் 5 லட்சம் வாகனங்கள் வாகன புகை சான்றிதழ் பெற்றுள்ளதாக தெரிவிக்கப்பட்டு உள்ளது.
புதிய மோட்டார் வாகன சட்டச்திருத்தத்தின்படி, விதிமீறில் அபராத கட்டணங்கள் பலமடங்கு உயர்த்தப்பட்டுள்ள நிலையில், நாடு முழுவதும் வாகன ஓட்டிகள் கடுமையான சிக்கல்களை சந்தித்து வருகின்றனர். அதன்படி, அனைத்து வாகனங்களும், 6 மாதத்திற்கு ஒரு முறை வாகனப் புகை பரிசோதனை சான்றினை வைத்திருக்க வேண்டும் என்றும் அறிவுறுத்தப்பட்டு உள்ளது.
இந்த நிலையில், கர்நாடக மாநிலத்தில், வாகன புகைச் சான்றிதழ் பெற வாகன ஓட்டிகள் , வாகனை புகை பரிசோதனை மையத்தை முற்றுகையிட்டு வருகின்றனர். அங்கு காற்று மாசுவை கட்டுப்படுத்தும் நோக்கில், வாகனங்களின் புகை கட்டுப்பாட்டு (பி.யூ.சி) சான்றிதழ்கள் உள்ளதா என போக்குவரத்து காவலர்கள் சோதனை செய்து வருகின்றனர்.
இதன் காரணமாக ஏராளமான வாகனக்ஙள், வாகன உமிழ்வு சோதனை மையங்களில் (ஈ.டி.சி) வரிசையில் நிற்பதாக அங்கிருந்து வரும் தகவல்கள் தெரிவிக்கின்றன.
இதுகுறித்து கூறியுள்ள கர்நாடக போக்குவரத்துத்துறை, இந்த மாதத்தின் முதல் இரண்டு வாரங்களில், மாநிலத்தில் 5 லட்சத்துக்கும் மேற்பட்ட வாகன ஓட்டிகள் உமிழ்வு சோதனை மையத்திலிருந்து (ஈடிசி) பி.யூ.சி சான்றிதழைப் பெற்றிருப்பதாக தெரிவித்து உள்ளது.
இது ஆகஸ்ட் மாத இறுதி முதல் செப்டம்பர் இரண்டாவது வாரத்திற்கு இடையில் மாநிலத்தில் பி.யூ.சி சான்றிதழ் வைத்திருப்பவர்களின் எண்ணிக்கை 2,35,246 முதல் 7,77,717 வரை உயர்ந்துள்ளது.
“புதிய அபராதங்கள் அறிவிக்கப்பட்ட பின்னர் மக்கள் அதிக எண்ணிக்கையில் பி.யூ.சி.க்களைப் பெற முன்வந்துள்ளனர்” எ ன்று கூடுதல் போக்குவரத்து ஆணையர் (அமலாக்க மற்றும் மின்-ஆளுமை) சிவராஜ் பாட்டீல் உறுதிப்படுத்தினார்.
தற்போது வாகனங்களின் புகை பரிசோதனை தேவை கட்டாயப்படுத்தப்பட்டுள்ள நிலையில், 24 மணி நேரமும் திறந்து வைக்க முடிவு செய்திருப்பதாக வாகன புகை பரிசோதன மையங்கள் தெரிவித்து உள்ளனர்.
பெட்ரோல் வாகனங்களில் இருந்து வெளியேறும் கார்பன் மோனாக்சைடு (சிஓஓ) செறிவுகளை மெதுவான வேகத்தில் சரிபார்க்கவும், டீசல் வாகனங்களில் இருந்து வரும் புகையை துரிதப்படுத்தவும் சோதனை மையங்கள் சோதனை செய்கின்றன. பெட்ரோல் வாகனங்கள் குறித்தும் ஹைட்ரோகார்பன் சோதனை நடத்தப்படுகிறது.
சோதனைகளை நடத்துவதற்கான செலவு இரு சக்கர வாகனத்திற்கு ரூ .50, முச்சக்கர வண்டிக்கு ரூ .60, நான்கு சக்கர வாகனத்திற்கு ரூ .90, அனைத்து வகையான டீசல் வாகனங்களுக்கும் ரூ .125 ஆகும். ஒவ்வொரு ஆறு மாதங்களுக்கும் PUC கள் அவ்வப்போது புதுப்பிக்கப்பட வேண்டும்.